मनमाड :-एच.ए. के. हायस्कूल अँड ज्यु. कॉलेज, मनमाड चे ग्रंथपाल मन्सूरी अ. हमीद सक्रोद्दीन हे सलग 34 वर्षाच्या प्रदीर्घ सेवेनंतर सेवानिवृत्त झाले. या निमित्ताने मन्सूरी यांनी शाळेच्या विदयार्थ्यांना भविष्यात कसे वर्तन करावे. या बाबत मोलाचे मार्गदर्शन करुन पुस्तके वाचना बाबत किताबे पढो आगे, वाचाल तर वाचाल असा संदेश दिला. तसेच शाळेतर्फे त्यांच्या सेवापुर्तीचा भव्य सोहळा कार्यक्रम संस्थेचे सदस्य अब्दुल करीम सलीम गाजियानी यांच्या अध्यक्षतेखाली आयोजित केला होता. यावेळी संस्थेच्या सचिव सायरा सलीम गाजियानी,सदस्य आयशा सलीम गाजियानी, आमीन गाजियानी तसेच शाळेतील आजी व माजी शिक्षक, शिक्षकेतर कर्मचारी मोठ्या संख्येने उपस्थित होते. संस्थेच्या सचिव सायरा सलीम गजियानी मुख्याध्यापक शेवाळे भुषण दशरथ, पर्यवेक्षक अन्सारी शाहिद अख्तर, शेख आरिफ कासम तसेच उपशिक्षक जगताप शानूल, शेख रब्बानी आशिकअली,नईमूद्दीन नियाजुद्दीन,शेख अखलाक अहमद मो.इब्राहिम, शेख जाविद मुश्ताक यांनी मन्सूरी अ.हमीद यांच्या शालेय कार्याबद्दल उल्लेखनीय माहिती देऊन प्रशंसा केली. व त्यांच्या पुढील वाटचालीस शुभेच्छा दिल्या.
यावेळी मन्सूरी अ. हमीद यांच्या कुटुंबातील सदस्य व शेजारील मित्रपरिवार, मालेगाव, निमगाव येथील बंधू व पुतणे, तसेच मालेगाव येथिल जिवलग मित्र अन्सारी अबुजर हे देखील उपस्थित होते. त्यानंतर मन्सूरी अ.हमीद यांनी स्नेह भोजनाची व्यवस्था केली. सर्वांनी स्नेह भोजनाचा आस्वाद घेतला.आलेल्या सर्व मान्यवरांचे मन्सूरी अ. हमीद यांनी आभार मानले. कार्यक्रमाचे सूत्रसंचालन शाळेचे उपशिक्षक सैय्यद अफरोजोद्दीन ताजोद्दीन यांनी केले.
