मनमाड महाविद्यालयात वाणिज्य मंडळाचे उद्घाटन

मनमाड: येथील महात्मा गांधी विद्यामंदिर संचलित, कला, विज्ञान व वाणिज्य महाविद्यालय मनमाड येथे सनदी लेखापाल सी.ए. श्रेणिक बरडीया यांच्या हस्ते वाणिज्य मंडळाचे उद्घाटन करण्यात आले. त्यांनी विद्यार्थ्यांना “करिअर ऑपॉर्च्युनिटी इन जी.एस.टी” या विषयावर मार्गदर्शन केले. प्रमुख अतिथी एस.बी.आयच्या शाखा प्रबंधक श्रीमती स्नेहल वाघ यांनी “करिअर ऑपॉर्च्युनिटी इन बँकिंग सेक्टर” या विषयावर विद्यार्थ्यांना माहिती सांगितली. आपल्या अध्यक्षीय मनोगतातून प्राचार्य डॉ. सुभाष निकम यांनी विद्यार्थ्यांनी सातत्याने नवनवीन क्षेत्राचा ध्यास घेऊन परिश्रम करावे असे आवाहन केले. कार्यक्रमाचे प्रास्ताविक वाणिज्य विभाग प्रमुख डॉ. शिवाजी थोरे यांनी केले. सूत्रसंचालन व अतिथी परिचय डॉ. आरती छाजेड तर आभार प्रदर्शन प्रा. समाधान सुखदेवे यांनी केले याप्रसंगी आय. क्यू. ए.सी कॉर्डिनेटर डॉ. प्रकाश वानखेडे, डॉ. घुगे डॉ. परदेशी तसेच विद्यार्थी उपस्थित होते.