मनमाड –
भारतीय क्रिकेट नियामक मंडळ ( BCCI ) अंतर्गत असलेल्या महाराष्ट्र क्रिकेट आसोसिएशन आयोजीत आमंत्रितांच्या स्पर्धेसाठी ( जिल्हास्तरीय सामने ) नंदुरबार जिल्हा क्रिकेट आसोसिएशन वरिष्ठ महिला संघाची निवड चाचणी नुकतीच पार पाडण्यात आली.
या चाचणीमध्ये मनमाड मधील भुमी क्रिकेट अकॅडमीतील खेळाडु भाविका कौरानी व सुहानी बोरा यांनी नंदुरबार जिल्हा संघाच्या खेळाडुंच्या यादित आपली जागा बनवण्यात यश मिळवले.
महाराष्ट्र क्रिकेट आसोसिएशन आयोजीत हे सामने पुणे येथे मार्च महिन्यात खेळवले जाणार असुन या महिला खेळाडु हे जिल्हास्तरीय सामने खेळतील. मनमाडच्या ह्या नवोदित खेळाडु महाराष्ट्र संघात निवड होण्यासाठी आपल्या खेळाचे प्रदर्शन उच्चस्तरीय स्पर्धेत करणार आहेत.
मनमाडच्या या महाला खेळाडुंकडुन चांगली कामगीरि होऊन त्यांची वरिष्ठ महिला महाराष्ट्र राज्य संघात निवड व्हावी अशी शुभेच्छा सर्वाकडुन या खेळाडुंना दिली जात आहे. मनमाड शहराचे नंदुरबार जिल्ह्यासंघात प्रतिनिधित्व करण्यासाठी या खेळाडु भुमी क्रिकेट अकॅडमी मनमाड येथे सराव करत आहे.
नंदुरबार जिल्हा क्रिकेट असोसिएशन चे सचिव श्री. युवराज पाटिल सर व मनमाड गुरुद्वारा येथील जथेदार बाबा रणजित सिंग जी यांचे विशेष सहकार्य या खेळाडुंना लाभले तसेच श्री. गुरुगोबिंद सिंग हायस्कूल मनमाडचे प्रशासक श्री. सुखदेव सिंग जी सर यांचे ही विशेष सहकार्य लाभले.
या निवडीसाठी नांदगाव मतदार संघाचे आमदार श्री. सुहास आण्णा कांदेजी , फरहान दादा खान , ईरफान भाई मोमीन , राजाभाऊ पगारे , गणेश धात्रक, श्रेणिक बरडिया , तय्यबभाई शेख, सिध्दार्थ बरडिया , कौशल शर्मा , परवेज शेख , सनी फसाटे , मनोज ठोंबरे सर , दक्ष पाटिल, चिराग निफाडकर , रोहीत पवार तसेच संचालक वाल्मीक रोकडे यांनी खेळाडुंचे अभिनंदन करुन पुढिल सामन्यांसाठी शुभेच्छा दिल्या.
या खेळाडुंचे प्रशिक्षक सिध्दार्थ ( भोला ) रोकडे सरांचे मार्गदर्शन या सर्वांना लाभले. या सर्व खेळाडुंना पुढिल सामन्यांसाठी शुभेच्छा देण्यात आल्या.
