*
BCCI अंतर्गत असलेल्या महाराष्ट्र क्रिकेट आसोसिएशन आयोजीत आमंत्रितांच्या स्पर्धेसाठी ( जिल्हास्तरीय सामने ) नंदुरबार जिल्हा क्रिकेट असोसिएशन 19 वर्षाआतील संघाची निवड चाचणी नोव्हेंबर 2025 मध्ये पार पाडण्यात आली.
या निवड प्रक्रियेत मनमाड मधील भुमी क्रिकेट अकॅडमीतील खेळाडु स्वामी दिंडे , खुशाल परळकर, गौरव निते व हसनेन शेख यांची नंदुरबार जिल्हा संघाच्या संभाव्य खेळाडुंच्या यादित निवड झाली होती. त्यानंतर हे निवड झालेले खेळाडु शिर्डी येथे निवड चाचणी खेळण्यास पात्र झाले. 04 निवड चाचणी सामण्यात आपल्या खेळाचे उत्तम प्रदर्शन करुन या खेळाडुंनी आपल्या कामगिरीच्या जोरावर नंदुरबार अंडर 19 जिल्हा संघात निवड निश्चित केली व नंदुरबार जिल्हा क्रिकेट संघाचे सदस्य झाले.
महाराष्ट्र क्रिकेट आसोसिएशन आयोजीत हे सामने डिसेंबर महिन्यात छ. संभाजीनगर व संपुर्ण महाराष्ट्रभर खेळवले जाणार असुन हे सर्व खेळाडु जिल्हास्तरीय सामने खेळतील. मनमाडचे हे खेळाडु महाराष्ट्र संघात निवड होण्यासाठी आपल्या खेळाचे प्रदर्शन उच्चस्तरीय स्पर्धेत करणार आहेत. याआधी खुशाल परळकर हा 14 व 16 वर्षाआतील महाराष्ट्र संघाच्या संभावित खेळाडुंच्या यादित सलग दोन वेळा जागा बनवण्यात सक्षम ठरला होता.
यापुढे या खेळाडुंकडुन चांगली कामगीरि होऊन त्यांची 19 वर्षातील महाराष्ट्र राज्य संघात निवड व्हावी अशी शुभेच्छा सर्वाकडुन या खेळाडुंना दिली जात आहे. मनमाड शहराचे नंदुरबार जिल्ह्यासंघात प्रतिनिधित्व करण्यासाठी हे खेळाडु भुमी क्रिकेट अकॅडमी श्री. गुरुगोबिंद सिंग हायस्कूल ग्राऊंड मनमाड येथे सराव करत आहे.
नंदुरबार जिल्हा क्रिकेट असोसिएशन चे सचिव श्री. युवराज पाटिल सर व मनमाड गुरुद्वारा येथील जथेदार बाबा रणजित सिंग जी यांचे विशेष सहकार्य या खेळाडुंना लाभले तसेच श्री. गुरुगोबिंद सिंग हायस्कूल मनमाडचे प्रशासक श्री. सुखदेव सिंग जी सर यांचे ही विशेष सहकार्य लाभले.
या निवडीसाठी नांदगाव मतदार संघाचे आमदार सुहास आण्णा कांदेजी व भुमी क्रिकेट अकॅडमीचे आधारस्तंभ ईरफान भाई मोमीन , राजाभाऊ पगारे , गणेश धात्रक, श्रेणिक बरडिया , तय्यबभाई शेख, सिध्दार्थ बरडिया , जावीद सर , सुरज अरोरा , मनोज ठोंबरे , सनी फसाटे तसेच संचालक वाल्मीक रोकडे यांनी खेळाडुंचे अभिनंदन करुन पुढिल सामन्यांसाठी शुभेच्छा दिल्या.
या खेळाडुंचे प्रशिक्षक सिध्दार्थ ( भोला ) रोकडे सरांचे मार्गदर्शन या सर्वांना लाभले.
