आज दिनांक 26/12/2025 मनमाड येथील महात्मा गांधी विद्यामंदिर संचलित कला, विज्ञान आणि वाणिज्य महाविद्यालयाच्या रसायनशास्त्र विभागातर्फे अलीकडील “रसायनशास्त्रातील संशोधनाच्या संधी” या विषयावर आंतरराष्ट्रीय सेमिनारचे आयोजन करण्यात आले. या सेमिनारदरम्यान रसायनशास्त्र क्षेत्रातील नवीन संशोधन आणि संशोधनाच्या संधी याबद्दल मार्गदर्शनपर चर्चा झाली. सेमिनारचे उद्घाटन महाविद्यालयाचे प्राचार्य प्रो. डॉ. ए. व्ही. पाटील यांच्या हस्ते करण्यात आले. त्यांनी या कार्यक्रमाचे औचित्य सांगत रसायनशास्त्राच्या विकासातील अद्ययावत तंत्रे समजून घेण्याचे महत्त्व विद्यार्थ्यांसमोर मांडले. पहिल्या सत्राचे मुख्य वक्ते डॉ. पंकज कोइनकर( टोकुशीमा विद्यापीठ, जपान) होते, ज्यांनी रसायनशास्त्रातील नवीन साहित्य आणि तंत्रज्ञानावर विस्तृत माहिती दिली. दुसऱ्या सत्राचे मुख्य वक्ते डॉ. उमेश तुपे यांनी संशोधन पद्धती आणि अनुप्रयोगांवर प्रकाश टाकला.
उपप्राचार्य व रसायनशास्त्र विभागप्रमुख प्रा. डॉ. बी. एस. देसले यांनी सहभागींचे स्वागत करून सेमिनारची उद्दिष्टे स्पष्ट केली. आयोजन समितीत डॉ. ए. व्ही. गजभिये, डॉ. आर. एस. शिंदे, प्रा. ए. आर. बुकाणे, प्रा. एम. सी. नागरे यांचा सक्रिय सहभाग होता. त्यांनी कार्यक्रमाच्या नियोजनापासून ते यशस्वी समारोपापर्यंत महत्त्वाची भूमिका बजावली. सदर सेमिनारसाठी महाविद्यालयाचे कुलसचिव श्री समाधान केदारे कार्यालयीन अधीक्षक श्री एल. के. निकम शैक्षणिक पर्यवेक्षक प्रा. डी. व्ही. सोनवणे तसेच सर्व विभाग प्रमुख व प्राध्यापक यांनी सहभाग नोंदवला व सहकार्य केले. मनमाड व परिसरातील पदवी व पदव्युत्तर विभागातील एकूण 150 हून अधिक विद्यार्थ्यांनी सदर आंतरराष्ट्रीय सेमिनारसाठी सहभाग नोंदवला. हे आंतरराष्ट्रीय सेमिनार विद्यार्थ्यांसाठी एक उत्तम शिक्षणाप्रद अनुभव ठरला. रसायनशास्त्र क्षेत्रातील नवीन दिशा आणि संधींबद्दल माहिती मिळाल्याने विद्यार्थ्यांमध्ये खूप उत्साह निर्माण झाला. महाविद्यालयाच्या परिसरात हा कार्यक्रम उच्च दर्जाचा शैक्षणिक आणि संशोधन वातावरण निर्माण करण्यासाठी एक महत्त्वपूर्ण पाऊल ठरला आहे.
