‘आपले सरकार’ पोर्टलवर ग्रामविकास विभागाच्या अंतर्गत खालील ७ सेवा उपलब्ध करून देण्यात आल्या आहेत. यामध्ये जन्म नोंद दाखला, मृत्यू नोंद दाखला, विवाह नोंद दाखला दारिद्र्य रेषेखालील असल्याचा दाखला, ग्रामपंचायत येणेबाकी नसल्याचा दाखला, नमुना ८ चा उतारा,निराधार असल्याचा दाखला या सर्व सेवा ऑनलाइन स्वरूपात उपलब्ध असल्याने नागरिकांना अर्जासाठी प्रत्यक्ष कार्यालयात उपस्थित राहण्याची गरज उरणार नाही. अर्ज सादरीकरणापासून ते दाखला मिळेपर्यंतची संपूर्ण प्रक्रिया डिजिटल पद्धतीने पार पडणार आहे.
ग्रामीण भागातील नागरिकांना शासकीय सेवा सुलभ, पारदर्शक व वेळेत मिळाव्यात या उद्देशाने महाराष्ट्र शासनाच्या “आपले सरकार” या अधिकृत ऑनलाइन पोर्टलवर जिल्हा परिषद नाशिक अंतर्गत ग्रामविकास विभागाच्या ७ महत्त्वाच्या सेवा नागरिकांसाठी उपलब्ध करून देण्यात आल्या आहेत. या डिजिटल सेवांचा जास्तीत जास्त लाभ नागरिकांनी घ्यावा, असे आवाहन जिल्हा परिषदेचे मुख्य कार्यकारी अधिकारी ओमकार पवार यांनी केले आहे.
