वंजारवाडी येथे राजमाता जिजाऊ जयंती अत्यंत उत्साहात साजरी करण्यात आली. कार्यक्रमाची सुरुवात राजमाता जिजाऊ यांच्या प्रतिमेचे पूजन व पुष्पहार जेष्ठ नागरिक जगन्नाथ गुंडगळ व शहाजी जाधव यांच्या हस्ते अर्पण करून करण्यात आली.
जि.प. प्राथमिक शाळेचे शिक्षक अनिल बोरसे यांनी राजमाता जिजाऊ यांच्या जीवनकार्यावर प्रकाश टाकत, त्यांनी छत्रपती शिवाजी महाराजांसारखा महान योद्धा घडवून स्वराज्याची पायाभरणी कशी केली, याचा प्रेरणादायी आढावा घेतला. त्यांच्या विचारांतून राष्ट्रप्रेम, संस्कार, शौर्य वारसा मिळतो, असे मत वक्त्यांनी व्यक्त केले. जयंती निमित्ताने राजमाता जिजाऊ यांच्या विचारांचा वारसा जपण्याचा व पुढील पिढीपर्यंत पोहोचवण्याचा संकल्प उपस्थितांनी व्यक्त केला.
यावेळी माजी सरपंच शंकर गुंडगळ, ग्रा. प. उपसरपंच संतोष पवार, छबू गायकवाड, तुकाराम गुंडगळ, कृष्णा पावडे, दौलत गांगुर्डे, ग्रा. प. सदस्य अनिल दखने, प्रकाश सावंत, शहाजी खैरनार, ज्ञानदेव गुंडगळ, भाऊसाहेब चव्हाण, शिवाजी शिंदे, विश्वनाथ शिंदे, दशरथ जाधव, संजय गुंडगळ, चिंधु गुंडगळ, मारुती जाधव व ग्रामस्थ मोठ्या संख्येने उपस्थित होते.
या कार्यक्रमासाठी गोरख गुंडगळ, समाधान गायकवाड, नितीन जाधव तसेच वंजारवाडी येथील युवक व नागरिकांनी परिश्रम घेतले.
