फुले शाहू आंबेडकर मुस्लिम विचारमंच व संभाजी ब्रिगेड नाशिक जिल्हा समन्वयक यांच्या संयुक्त विद्यमाने हिंदवी स्वराज्य प्रेरिका राजमाता जिजाऊ मासाहेब यांच्या प्रतिमेस मनमाड नगरपालिकेच्या महिला अधिकारी, उपमुख्याधिकारी सोफिया बागल व सहाय्यक नगररचनाकार रागिनी चव्हाण यांच्या हस्ते पुष्पहार अर्पण करून अभिवादन करण्यात आले. नगरपालिकेचे अधिकारी किरण आहेर व रचनाकार रागिनी चव्हाण यांनी राजमाता जिजाऊ यांच्या जीवन प्रवासावर आपले मनोगत व्यक्त केले.
राजमाता जिजाऊ यांनी छत्रपती शिवरायांसमवेतच छत्रपती संभाजी महाराजांना देखील घडविण्याचे काम केले. जिजाऊंचे बुद्धीचातुर्य, युद्ध कौशल्य, समयसूचकता, धैर्य, निडरता व इतर अनेक गुणांचा दाखला त्यांच्या जीवनकार्यातून पाहायला मिळतो, आज देखील जीवनात अनेक बिकट प्रसंग येत असतात परंतु जिजाऊंच्या जीवनाचा अनुभव पाठीशी घेऊन मार्गक्रमण केल्यास कोणत्याही संकटास सामोरे जाणे व त्याचा पराभव करणे सोपे होऊ शकते, असे मार्गदर्शन उपस्थित मान्यवरांनी व्यक्त केले.
यावेळी मंचचे मार्गदर्शक हाजी रफिक बाबूजी, हाजी शफी मुसा, एकरा गर्ल्स स्कूलचे संचालक एम.सलीम अहमद, जावेद शेख, रामदास पगारे, किरण पाटील, विकास गायकवाड, सद्दाम आत्तार, मतीन मन्सुरी, विलास कातकडे, सुनील दराडे, उमेश सोनवणे, आशा चव्हाण, मोहम्मद बोहरी, शितल जाधव, गोरख झाल्टे, शकूर शेख, अमोल बागुल, आदी उपस्थित होते. कार्यक्रमाचे नियोजन संयोजन मंचचे कार्याध्यक्ष फिरोज शेख यांनी केले, आभार प्रदर्शन सद्दाम आतार यांनी केले.
