मनमाड साहित्य संघा ने आयोजित केलेल्या शालेय विद्यार्थ्यांसाठींची काव्यस्पर्धा मराठी भाषा गौरव दिनी उत्साहात संपन्न झाली. या सोहळयाच्या अध्यक्षस्थानी प्राचार्य श्री.सदाशिव सुतार सर होते तर प्रमुख पाहुणे म्हणून मनमाडचे लोकनियुक्त नगराध्यक्ष श्री.योगेश पाटील उपस्थित होते.
सेंट झेवियर्स हायस्कूलची कु.श्रद्धा शिंदे हि ने प्रथम पुरस्कार (११००/- रु. रोख,सन्मानचिन्ह व गौरवपत्र), द्वीतीय पुरस्कार(७००/- रु. रोख, सन्मानचिन्ह व गौरवपत्र) कवी रविंद्रनाथ टागोर शाळेच्या कु. श्रावणी खैरनार तर तृतीय पुरस्कार (५००/- रु. रोख, सन्मानचिन्ह, गौरवपत्र)छत्रे न्यू इंग्लिश स्कूलच्या कु. आदिती पाटील हिने पटकाविला.
या स्पर्धेत कवी रविंद्रनाथ टागोर शाळेच्या कु.सई शाकद्वीपी व आदर्श इंग्लिश मिडीयम स्कूलच्या कु. नम्रता पाटील यांना उत्तेजनार्थ पारितोषिक(२००/- रु. रोख, सन्मानचिन्ह, गौरवपत्र) देण्यात आले. छत्रे न्यू इंग्लिश स्कुलच्या कु.वैष्णवी सानप हिच्या कवितेस लक्षवेधी बाल- कुमार कवयित्री हा विशेष पुरस्कार देण्यात आला.
या काव्यस्पधेचे परीक्षक म्हणून कवयित्री सौ.मंदोदरी पाटील, कवी श्री.प्रदीप गुजराथी व युवाकवी श्री.शांताराम वाघ यांनी काम पाहिले.
कवीश्रेष्ठ कुसुमाग्रज यांच्या प्रतिमापुजनाने मान्यवरांच्या हस्ते या काव्यस्पर्धा पारितोषिक वितरण समारंभाचा शुभारंभ करण्यात आला. युवा गायक आर्यन जोगदंड याने शुभारंभ प्रसंगी मराठी भाषा गौरवगीत गायन केले.
शहरातील दोनशेहून अधिक शालेय बाल-कुमार कवी कवयित्रींनी या स्पर्धेत सहभाग घेतला होता. त्यापैकी अंतिम फेरीसाठी चौदा बाल-कुमार कवीच्या कवितांची निवड कविता सादरीकरणासाठी करण्यात आली होती.
मनमाड साहित्य संघाचे कार्यवाहक अमोल खरे यांनी याप्रसंगी प्रास्ताविक केले. मनमाड साहित्य संघाचे उपाध्यक्ष डॉ.रविन्द्र सुर्वे, कवी डी.डी.पाटील, डी.टी.पवार, संघाचे मार्गदर्शक पत्रकार नरेश गुजराथी, प्रा. जे.वाय.इंगळे कवी संदीप देशपांडे, राम महाले, नगरसेवक विशाल आहिरे आदी मान्यवर याप्रसंगी मंचावर उपस्थित होते.
हेमंत वाले, उपाली परदेशी, सुरेंद्र भुजंग, प्रिया परदेशी, भाऊसाहेब दाभाडे यांनी कार्यकमाचे संयोजन केले तर मनमाड साहित्य संघाचे सचिव कवी जनार्दन देवरे यांनी कार्यक्रमाचे सूत्रनिवेदन केले. कार्यक्रमास विविध शाळांचे मुख्याध्यापक, समन्वयक शिक्षक,पालक व विद्यार्थी मोठया संख्येने उपस्थित होते.
