मनमाड – महाराष्ट्र क्रिकेट आसोसिएशन आयोजीत जिल्हास्तरीय स्पर्धेसाठी नंदुरबार जिल्ह्य़ातील अंडर 16 खेळाडुंची निवड चाचणी फेब्रुवारी महिन्यात पुर्ण झाली. या निवडचाचणी मध्ये मनमाडमधील भुमी क्रिकेट अकॅडमीतील खुशाल परळकर, गौरव निते, मयंक भालेराव, शान मोकळ, कलश मुळमुळे, निखिल कोळपे व शिवम माने यांची संभावित खेळाडुंच्या यादीमध्ये निवड झाली. या निवडचाचणीसाठी विविध जिल्ह्य़ातील खेळाडुंनी हजेरी लावली.
निवड झालेल्या या खेळाडुंना आता 3 दिवसीय निवड सामण्यांमध्ये खेळण्याची संधी मिळेल ज्यातून नंदुरबार जिल्हा संघ निवडला जाईल जो महाराष्ट्र क्रिकेट आसोसिएशन आयोजीत विविध जिल्ह्यात होणार्या आमंत्रिताच्या स्पर्धेत सहभाग करेल. मनमाडच्या या नवोदित खेळाडुंकडुन चांगले प्रदर्शन होऊन ते जिल्हासंघात स्थान प्राप्त करुन पुढे महाराष्ट्र संघात स्थान मिळवतील अशा शुभेच्छा या खेळाडुंना मनमाडमधील विविध स्तरातून देण्यात येत आहेत.
या निवडीसाठी नंदुरबार जिल्ह्य़ाचे सेक्रेटरी युवराज पाटिल सर व मनमाड गुरुद्वारा प्रबंधक जथेदार बाबा रणजित सिंहजी तसेच श्री. गुरुगोबिंद सिंग हायस्कूल मनमाडचे प्रशासक सुखदेव सिंग सर यांचे विशेष सहकार्य या खेळाडुंना प्राप्त झाले.
नांदगाव तालुक्याचे आमदार सुहास आण्णा कांदे , योगेश पाटील , मयुर बोरसे , ईरफान मोमीन , राजाभाऊ पगारे , श्रेणिक बरडिया , तय्यब शेख , नितीन अहिरराव तसेच संचालक वाल्मीक रोकडे यांच्यातर्फे या खेळाडुंना शुभेच्छा देण्यात आल्या.
या खेळाडुंना भुमी क्रिकेट अकॅडमीचे प्रशिक्षक सिध्दार्थ (भोला) रोकडे सर यांचे मार्गदर्शन लाभले.
