पुढील वर्षी नाशिक येथे होणाऱ्या सिंहस्थ कुंभमेळ्याच्या पार्श्वभूमीवर जिल्ह्यातील सर्वात मोठी नगरपालिका आणि रेल्वे जंक्शन असलेल्या मनमाड शहरात येणाऱ्या भाविकांच्या वाढत्या संख्येच्या पार्श्वभूमीवर कुंभमेळा प्राधिकरणाचे वरिष्ठ अधिकारी तथा IAS राकेश सिंग यांनी मनमाड शहराचा दौरा केला. सदर दौऱ्यात विविध महत्त्वपूर्ण सुविधांबाबत सविस्तर चर्चा करण्यात आली.
नांदगाव विधानसभेचे आमदार सुहास कांदे यांच्या मार्गदर्शनाखाली नगराध्यक्ष योगेश पाटील यांनी राकेश सिंग यांची भेट घेतला शहरात अंडरपास, बायपास पूल, मनमाड-चांदवड व मनमाड-येवला मार्गावरील पथदिवे, पार्किंग, एसटी व खासगी वाहतूक व्यवस्था, वाहतूक नियोजन आणि भाविकांसाठी मूलभूत सुविधांबाबत विविध प्रस्ताव मांडले. यावेळी मनमाड शहर पोलीस निरीक्षक विजय करे यांनीही वाहतूक कोंडी टाळणे, पार्किंग व गर्दीचे नियोजन याबाबत महत्त्वपूर्ण सूचना दिल्या. संबंधित अधिकाऱ्यांनी प्रस्तावांवर सकारात्मक चर्चा करून पुढील नियोजनाबाबत आश्वासन दिले.
आकांक्षा व्यवहारे ने पटकावले दोन सुवर्णपदक
भारतीय क्रीडा प्राधिकरण भारतीय वेटलिफ्टिंग संघटना यांचे सयुंक्त विद्यमाने आयोजित अस्मिता खेलो...
