पावसाने पाठ फिरवल्यामुळे नांदगाव तालुक्यात भीषण दुष्काळी परिस्थिती निर्माण झाली आहे. शेतकऱ्यांसमोर उभे पिक करपून गेले असून चारा आणि पाण्याचा प्रश्न निर्माण झाला आहे, तालुक्यात तात्काळ ‘कोरडा दुष्काळ’ जाहीर करावा आणि बाधित शेतकऱ्यांना प्रति हेक्टरी तातडीची आर्थिक मदत द्यावी, अशी मागणी शिवसेना (उद्धव बाळासाहेब ठाकरे) पक्षाच्या वतीने शिवसेना जिल्हाप्रमुख प्रवीण नाईक व तालुकाप्रमुख संतोष गुप्ता यांच्या नेतृत्वाखाली तहसीलदारांकडे निवेदनाद्वारे करण्यात आली आहे.
तहसीलदारांना दिलेल्या निवेदनात,
कोरडा दुष्काळ जाहीर करा : कोणतीही जाचक अट न लावता संपूर्ण नांदगाव तालुका तातडीने ‘कोरडा दुष्काळग्रस्त’ म्हणून घोषित करण्यात यावा.
प्रति हेक्टरी भरीव मदत : जिरायती/कोरडवाहू पिकांसाठी प्रति हेक्टरी किमान ५० हजार रुपये, तर बागायती व फळबागांच्या नुकसानीसाठी प्रति हेक्टरी १ लाख रुपयांची मदत थेट शेतकऱ्यांच्या बँक खात्यावर जमा करावी. मदतीची मर्यादा: ही भरपाई ३ हेक्टरच्या मर्यादेत न ठेवता, नुकसान झालेल्या सर्व क्षेत्राला (अटी-शर्तींशिवाय) लागू करण्यात यावी.
विमा नुकसान भरपाई : पीक विमा योजनेअंतर्गत कोणत्याही अटी न लावता, ‘लोकल कॅलॅमिटी’ व ‘मिड-सीझन ॲडव्हर्सिटी’ नियमांनुसार सर्व बाधित शेतकऱ्यांना प्रति हेक्टरी अग्रिम (Advance) २५% भरपाई तातडीने मंजूर करण्यात यावी.
दुष्काळी उपाययोजना : तालुक्यात तातडीने जनावरांसाठी चारा छावण्या सुरू कराव्यात, पिण्याच्या पाण्यासाठी टँकर्सची संख्या वाढवावी आणि रोहयो (रोजगार हमी योजना) अंतर्गत कामे उपलब्ध करून द्यावीत.
कर्ज व वीजबिल माफी : संकटात सापडलेल्या शेतकऱ्यांची बँक कर्जे आणि वीजबिल पूर्णपणे माफ करण्यात यावे. तसेच यावर्षी किमान पावसाचे प्रमाण सरासरीपेक्षा कमी आहे याची तहसीलदार साहेबांनी योग्य निरीक्षण करून शासनाला माहिती दयावी, या मागण्या करण्यात आल्या आहेत.
शासनाने या मागण्यांकडे दुर्लक्ष केल्यास आणि तातडीने मदत न दिल्यास तालुक्यातील हवालदिल शेतकऱ्यांना सोबत घेऊन शिवसेना (उद्धव बाळासाहेब ठाकरे) पक्षाच्या वतीने तीव्र जनआंदोलन छेडण्यात येईल असा इशाराही यावेळी पक्षाच्या वतीने जिल्हाप्रमुख प्रवीण नाईक यांनी दिला आहे.
निवेदन देतांना शिवसेनेचे तालुका उपप्रमुख राजाभाऊ धोंडगे, बाळासाहेब चव्हाण, अशोक पदमर, दिलीप नंद, ज्येष्ठ शिवसैनिक राजाभाऊ आहेर, नांदगाव शहरप्रमुख श्रावण आढाव, मनमाड शहरप्रमुख माधव शेलार, जाफर मिर्झा, नायडोंगरी शहरप्रमुख निवृत्ती गुंजाळ, बोलठाण शहरप्रमुख सतीश बारावकर प्रवीण सूर्यवंशी, मायकल फर्नांडीस, तालुका संघटक रवींद्र अमराळे, तालुका सचिव शैलेश सोनवणे, नगरसेवक अमोल नरवडे, दीपक दराडे, संजय कटारे, युवासेनेचे सौवय निकम, वसंत नागरे, राजाभाऊ वाघ, भाऊ साहेब सदगीर, दत्तू सानप, विजय शिनगारे, प्रकाश चावरिया, सीताराम राठोड, बबन आव्हाड, प्रमोद मोरे, गौतम जैन, ज्ञाणेश्वर पवार, अनिल रिडे, दामू सापटे, मधू दरेकर,, बबन उगले, अशपाक सैय्यद, गोरखनाथ बिछाले, यादव मोरे, दत्तू इप्पर, नागुमामा इंगळे, सूर्यभान खैरनार, चेतन चावरिया, आदेश शिंदे, विष्णू सोनवणे, रमेश बोडखे, नानासाहेब आहेर, अथर्व मोरे, मनोज अंकुश आदींसह शिवसैनिक व शेतकरी बांधव मोठया संख्येने उपस्थित होते.
