मनमाड शहराचे आराध्य दैवत आणि नवसाला पावणार गणपती म्हणून पंचक्रोशीत प्रसिद्ध असणाऱ्या वेशीतील श्री निलमणी गणेश मंदिरात मंगळवार दिनांक 29/09/ 2026 रोजी अंगारकी (मंगळी) संकष्ट चतुर्थी (भाद्रपद कृष्ण चतुर्थी) निमित्त विविध धार्मिक कार्यक्रमांचे आयोजन करण्यात आले आहे. श्री निलमणीस सकाळी 06 वाजता महाभिषेक महापूजा, रात्री 8.15 वाजता { दाते पंचांग नुसार चंद्रोदय :रात्री 08-07 वाजता } महाआरती कार्यक्रमाचे आयोजन श्री निलमणी गणेश मंदिर सार्वजनिक ट्रस्ट मनमाड तर्फे करण्यात आले आहे. महाअभिषेक आणि महाआरतीचे वेळी सामूहिक श्री गणपती अथर्वशीर्ष पठण संपन्न होणार आहे..
मनमाड शहर व परिसरातील सर्व गणेश भक्तांनी मोठ्या संख्येने या धार्मिक कार्यक्रमाना उपस्थित रहावे असे आवाहन ट्रस्ट तर्फे विश्वस्त मंडळाने केले आहे.
