मनमाड शहराचे माजी नगराध्यक्ष बाळासाहेब पाटील मित्र मंडळ, युवक क्रांती क्रीडा मंडळ, मनमाड व जय भवानी अद्यावत व्यायामशाळेच्या आयोजनाखाली नाशिक जिल्हा कबड्डी असोसिएशनच्या मान्यतेने 53 वी कुमार गट मुले जिल्हा चाचणी अजिंक्यपद व निवड स्पर्धा ही जय भवानी व्यायामशाळेत संपन्न होणार आहे.
2 ऑक्टोबर पासून सुरू होणारी स्पर्धा 4 ऑक्टोबर 2026 पर्यंत होणार आहे. नाशिक जिल्हा कबड्डी असोसिएशनच्या मान्यतेने साखळी पद्धतीने व बाद पद्धतीने होणार आहे. या स्पर्धेमधून निवडणारा संघ हा महाराष्ट्र राज्य कबड्डी असोसिएशनच्या राज्य कुमार गट अजिंक्यपद व निवड चाचणी स्पर्धेमध्ये नाशिक जिल्ह्याचे प्रतिनिधित्व करणार आहेत. या जिल्हास्तरीय कुमार गट निवड चाचणी स्पर्धेसाठी नाशिक जिल्ह्यातून जवळपास 32 संघांनी सहभाग नोंदवलेला आहे. कुमार गटाच्या या स्पर्धा चुरशीने होणार असल्याचे डॉक्टर दत्ता शिंपी यांनी सांगितले आहे. प्रो-कबड्डीच्या मॅटवर होणाऱ्या या स्पर्धेत जिल्ह्यातील नामवंत खेळाडू सहभागी होणार आहे. या स्पर्धा आयोजनामध्ये बाळासाहेब पाटील यांच्या मित्र परिवारातील छत्रपती आवर्डी महाराष्ट्राचे प्रतिनिधित्व केलेले सुनील जाधव , छत्रपती आवार्डी हनुमान महाडिक, छत्रपती आवर्डी सागर बांदेकर, प्रकाश लाड, डॉक्टर शरद शिंदे, जय भवानी क्रीडा मंडळाचे अध्यक्ष पोपटशेठ बेदमुथा, राज्य कबड्डी संघटनेचे सहकार्यवाह मोहन गायकवाड, आशिष पाटील आदि हिरारीने भाग घेत आहे.
