मनमाड शहरातील चर्मकार समाज बांधवांसाठी समाज मंदिर व परिसरात सुशोभीकरन करण्यात यावे, या मागणीचे निवेदन राष्ट्रीय चर्मकार महासंघाचे वतीने दिंडोरी लोकसभेचे खासदार भास्कर भगरे यांना देण्यात आले. महासंघाच्या पदाधिकाऱ्यांनी खा. भगरे यांची भेट घेत निवेदन देऊन चर्चा केली.
मनमाड शहरात जवळपास 5000 चर्मकार बांधव राहतात परंतु त्यांना सामाजिक उपक्रमांसाठी समाज मंदिर उपलब्ध नसल्याने ते तात्काळ उपलब्ध व्हावे व त्यासाठी खासदार निधीतून निधी उपलब्ध करण्यात यावा, असे निवेदनात नमूद करण्यात आले आहे.
यावेळी महासंघाचे राज्य उपाध्यक्ष राजेंद्र आहेर, उत्तर महाराष्ट्र उपाध्यक्ष शैलेश सोनवणे, मंदिर स.अध्यक्ष नाना आहेर, जे डी.वसईत, डॉ.सुभाष अहिरे, वनाजी आहेर, अशोक शिलावट, महेंद्र अहिरे, विजय धाकराव, संजय धाकराव, गोपी बडोदे, रमेश भदाणे व समाज बांधव मोठ्या संख्येने उपस्थित होते.
