Breaking News

[post-marguee]

[ays_poll id=7]

मनमाड–चांदवड राष्ट्रीय महामार्गावरील अपघातप्रवण ठिकाणी तातडीने उपाययोजना करा – गणेश धात्रक यांचे निवेदन

Oct 8, 2026

कालची मनमाड – अहिल्यानगर रोड वर घडलेल्या अपघातात 19 वर्षीय तरुणीने आपला जीव गमावल्याची घटना ताजी असतानाच अशाप्रकारच्या घटना मनमाड -चांदवड या राष्ट्रीय महामार्गावर घडू नयेत यासाठी मनमाड शहरातून जाणाऱ्या मनमाड–चांदवड राष्ट्रीय महामार्ग क्र. ७५२ G वरील वाढती वाहतूक, अपघातांचे प्रमाण तसेच नागरिकांच्या सुरक्षिततेचा प्रश्न लक्षात घेऊन भारतीय जनता पार्टीचे नांदगाव विधानसभा प्रमुख, माजी नगराध्यक्ष मनमाड तथा कृषी उत्पन्न बाजार समिती, मनमाडचे सभापती गणेश जगन्नाथ धात्रक यांनी आज दि. ०८ ऑक्टोबर २०२६ रोजी महाराष्ट्र राज्य रस्ते विकास महामंडळाच्या (MSRDC) कार्यकारी अभियंता श्रीमती नेहते मॅडम यांची भेट घेऊन याबाबत सविस्तर निवेदन दिले.

मनमाड शहरातून जाणाऱ्या मनमाड–चांदवड राष्ट्रीय महामार्गावर दिवसभर मोठ्या प्रमाणावर अवजड वाहने, मालवाहू वाहने, प्रवासी वाहने तसेच दुचाकी व चारचाकी वाहनांची वर्दळ असते. तसेच विविध ठिकाणी वाहतूक कोंडी, रस्त्यालगतची अतिक्रमणे व अपघातप्रवण परिस्थिती निर्माण होत असल्याने नागरिक, विद्यार्थी, महिला, ज्येष्ठ नागरिक तसेच स्थानिक वाहनधारकांच्या सुरक्षिततेचा गंभीर प्रश्न निर्माण झाला आहे.

या पार्श्वभूमीवर धात्रक यांनी कृषी उत्पन्न बाजार समिती मनमाड गेट क्र. १ व २ समोर, डोणगाव चौफुली, सोनावाला कॉम्प्लेक्स समोर, तांबोळी कॉम्प्लेक्स समोर तसेच शहजादी शाळेसमोर आणि बुरुकुलवाडी सुरू होण्यापूर्वी व त्यानंतरच्या परिसरात तातडीने वाहतूक नियंत्रण व रस्ता सुरक्षा उपाययोजना करण्याची मागणी केली.

यामध्ये स्पीड ब्रेकर, वेगमर्यादा दर्शविणारे फलक, ब्लिंकर/फ्लॅशर लाईट, स्ट्रीट लाईट, रिफ्लेक्टर, रोड मार्किंग, चेतावणी फलक तसेच आवश्यक त्या इतर रस्ता सुरक्षा उपाययोजना तातडीने करण्याची मागणी करण्यात आली. तसेच मनमाड शहरातून जाणाऱ्या महामार्गाची संपूर्ण सुरक्षा ऑडिट करून अपघातप्रवण व धोकादायक ठिकाणे निश्चित करून त्या ठिकाणी वेगनियंत्रणाची प्रभावी व्यवस्था करण्याची मागणीही करण्यात आली.

यावेळी श्रीमती नेहते, कार्यकारी अभियंता यांनी मनमाड–चांदवड रोडची लवकरच प्रत्यक्ष पाहणी करून रस्त्याची व अपघातप्रवण ठिकाणांची योग्य पाहणी करण्यात येईल. नागरिकांच्या सुरक्षिततेच्या दृष्टीने आवश्यक त्या उपाययोजना तातडीने करण्यात येतील, असे आश्वासन दिले.

मनमाड शहरातील नागरिकांच्या जीवितासंबंधीचा हा अत्यंत महत्त्वाचा विषय असून, केवळ अपघात घडल्यानंतर उपाययोजना करण्याऐवजी अपघात होऊ नयेत यासाठी प्रतिबंधात्मक उपाययोजना तातडीने करणे आवश्यक आहे, अशी भूमिका धात्रक यांनी यावेळी मांडली.

अजून बातम्या वाचा..

अमरावती विभागात  आ. सुहास कांदे यांच्या नियोजनबद्ध रणनीतीमुळे किरण सरनाईक यांचा दणदणीत विजय

अमरावती विभागात आ. सुहास कांदे यांच्या नियोजनबद्ध रणनीतीमुळे किरण सरनाईक यांचा दणदणीत विजय

अमरावती विभागात आ. सुहास कांदे यांच्या नियोजनबद्ध रणनीतीमुळे किरण सरनाईक यांचा दणदणीत विजय अमरावती...

read more
आकांक्षा व्यवहारेचे सुवर्णपदक, मेघा आहेरला कांस्यपदक; श्रावणी पुरंदरेचा चौथा क्रमांक

आकांक्षा व्यवहारेचे सुवर्णपदक, मेघा आहेरला कांस्यपदक; श्रावणी पुरंदरेचा चौथा क्रमांक

आकांक्षा व्यवहारेचे सुवर्णपदक, मेघा आहेरला कांस्यपदक; श्रावणी पुरंदरेचा चौथा क्रमांक पश्चिम...

read more
महिलेच्या गळ्यातील पोत ओरबाडून चोरटे पसार; शहरातील महिलांमध्ये भीतीचे वातावरण

महिलेच्या गळ्यातील पोत ओरबाडून चोरटे पसार; शहरातील महिलांमध्ये भीतीचे वातावरण

मनमाड- शहरातील अत्यंत गजबजलेल्या विवेकानंद नगर दोन परिसरात राहणाऱ्या महिलेच्या गळ्यातील सोन्याचे...

read more
पश्चिम विभागीय आंतरविद्यापीठीय वेटलिफ्टिंग स्पर्धेसाठी आकांक्षा व्यवहारे, मेघा आहेर व श्रावणी पुरंदरे यांची निवड

पश्चिम विभागीय आंतरविद्यापीठीय वेटलिफ्टिंग स्पर्धेसाठी आकांक्षा व्यवहारे, मेघा आहेर व श्रावणी पुरंदरे यांची निवड

      पश्चिम विभागीय आंतरविद्यापीठीय वेटलिफ्टिंग स्पर्धेसाठी आकांक्षा व्यवहारे, मेघा आहेर व...

read more
[hsas-shortcode group="" speed="10" direction="left" gap="50"]