राष्ट्रीय शिक्षण धोरणानुसार राज्य शासनाने इयत्ता पहिली पर्यंतच्या प्रवेशाच्या वयोमर्यादा निश्चित केले असून सन 2027-28 या शैक्षणिक वर्षापासून याची टप्प्याटप्प्याने अंमलबजावणी करण्यात येणार आहे.
राज्यातील शाळांमध्ये बालकांच्या प्रवेशासाठी वेगवेगळ्या बोर्डाचे वयाचे निकष वेगवेगळे असल्याने प्रवेश या संदर्भात संभ्रम निर्माण होतात. यावर शालेय शिक्षण विभागाने मोठा निर्णय घेतला असून संपूर्ण राज्यात बालकांच्या नर्सरी ते पहिली पर्यंतच्या प्रवेशाची वयोमर्यादा निश्चित करण्यात आलेली आहे.
यासाठी कट ऑफ तारीख 30 जून ठरविण्यात आली आहे. यानुसार आता पुढील शैक्षणिक वर्ष 2027-28 बालकांना प्रवेशासाठी वयोमर्यादा खालील प्रमाणे निश्चित करण्यात आलेली आहे :- नर्सरी साठी तीन वर्ष, ज्युनिअर केजी चार वर्ष, सीनियर केजी पाच वर्ष व इयत्ता पहिलीच्या प्रवेशासाठी सहा वर्ष पूर्ण असणे बंधनकारक असेल.
