Breaking News

[post-marguee]

[ays_poll id=7]

संभाव्य दुष्काळी परिस्थिती लक्षात घेता पशुधनाचा विमा उतरवा

Nov 16, 2026

संभाव्य दुष्काळी परिस्थिती लक्षात घेता पशुधनाचा विमा उतरवा

डॉ. एन. टी. ताठे : पशुविमा हप्त्यावर ८५ टक्के शासनाचे अनुदान

नांदगाव : प्रतिनिधी

नांदगाव तालुक्यातील संभाव्य पाणीटंचाई व दुष्काळी परिस्थिती लक्षात घेता पशुपालक शेतकऱ्यांनी आपल्या पशुधनाला आर्थिक सुरक्षा मिळवून देण्यासाठी राष्ट्रीय पशुधन विमा योजनेंतर्गत किमान एक वर्षाचा पशुविमा तातडीने उतरवून घ्यावा, असे आवाहन पशुधन विकास अधिकारी (विस्तार), पंचायत समिती नांदगाव डॉ. एन. टी. ताठे यांनी केले आहे.

या योजनेचे सर्वात महत्त्वाचे वैशिष्ट्य म्हणजे विमा हप्त्याच्या ८५ टक्के रकमेचे अनुदान शासनाकडून दिले जाते. त्यामुळे पशुपालकांना विमा हप्त्यापोटी केवळ १५ टक्के रक्कम भरावी लागते. प्रत्येक कुटुंबातील जास्तीत जास्त १० पात्र जनावरांचा विमा उतरविता येतो. यामध्ये दुधाळ गाय, बैल, दुधाळ म्हैस, रेडा, शेळी व मेंढी यांचा समावेश आहे.

विमा संरक्षणांतर्गत गाय व बैलासाठी कमाल ७० हजार रुपये, म्हैस व रेड्यासाठी ८० हजार रुपये, तर शेळी व मेंढीसाठी प्रत्येकी ७ हजार रुपये विमा संरक्षण मिळते.

डिजिटल नोंदणी आणि लाभ

या योजनेचा लाभ घेण्यासाठी जनावरांची राष्ट्रीय डिजिटल पशुधन अभियानाच्या पोर्टलवर नोंदणी असणे तसेच कानात १२ अंकी ओळख क्रमांकाचा टॅग असणे आवश्यक आहे. विमा नोंदणीची प्रक्रिया मोबाइलवरील ‘AIC SARAS’ ॲपद्वारे डिजिटल पद्धतीने केली जाते. विम्याची मंजूर रक्कम थेट लाभ हस्तांतरण (DBT) पद्धतीने पशुपालकांच्या बँक खात्यात जमा केली जाते.

नांदगाव तालुक्यातील अनेक शेतकरी कुटुंबांच्या अर्थार्जनाचा पशुधन हा महत्त्वाचा स्रोत आहे. संभाव्य पाणीटंचाई व दुष्काळी परिस्थितीत पशुधनाचे संरक्षण करणे ही काळाची गरज आहे. पशुधनाच्या आकस्मिक मृत्यूमुळे होणारे आर्थिक नुकसान टाळण्यासाठी पशुपालकांनी या योजनेचा लाभ घ्यावा. तसेच जवळच्या पशुवैद्यकीय दवाखान्याशी संपर्क साधून जनावरांचा विमा तातडीने उतरवून घ्यावा, असे आवाहन डॉ. एन. टी. ताठे यांनी केले आहे.

— डॉ. एन. टी. ताठे
पशुधन विकास अधिकारी (विस्तार)
पंचायत समिती, नांदगाव, जि. नाशिक

अजून बातम्या वाचा..

मनमाड – येथील कवी रबिन्द्रनाथ टागोर हायस्कूल व ज्युनियर कॉलेज मध्ये महात्मा ज्योतीराव फुले यांची जयंती साजरी करण्यात आली.

मनमाड – येथील कवी रबिन्द्रनाथ टागोर हायस्कूल व ज्युनियर कॉलेज मध्ये महात्मा ज्योतीराव फुले यांची जयंती साजरी करण्यात आली.

कार्यक्रमाच्या अध्यक्षस्थानी संस्थेचे चेअरमन-शाळेचे प्राचार्य श्री. मुकेश मिसर हे होते. संस्थेचे...

read more
मनमाड येथील कवी रबिन्द्रनाथ टागोर हायस्कूल व ज्युनियर कॉलेजमध्ये डॉ. बाबासाहेब आंबेडकरांची 133 वी जयंती साजरी करण्यात आली.

मनमाड येथील कवी रबिन्द्रनाथ टागोर हायस्कूल व ज्युनियर कॉलेजमध्ये डॉ. बाबासाहेब आंबेडकरांची 133 वी जयंती साजरी करण्यात आली.

कार्यक्रमाच्या अध्यक्षस्थानी संस्थेचे चेअरमन-प्राचार्य मुकेश मिसर हे होते. कार्यक्रमाच्या...

read more
राजे मल्हारराव होळकर यांचे शौर्य आणि पराक्रमाचा इतिहास प्रेरणादायी – डॉ.भारती पवार

राजे मल्हारराव होळकर यांचे शौर्य आणि पराक्रमाचा इतिहास प्रेरणादायी – डॉ.भारती पवार

चांदवड - हिंदुस्थानचे युगपुरुष श्रीमंत सुभेदार 'मल्हारराव होळकर' जन्मोत्सव सोहळा श्रीमंत महाराजा...

read more
एच.ए.के.हायस्कूल अँड ज्यु. कॉलेज, मनमाड मध्ये क्रांतीसूर्य महात्मा ज्योतिबा फुले जयंती साजरी.  मनमाड:- एच.ए.के.हायस्कूल अँड ज्यु. कॉलेज,मनमाड मध्ये क्रांतीसूर्य,महान समाज सुधारक महात्मा ज्योतिबा फुले जयंती साजरी करण्यात आली.शाळेचे मुख्याध्यापक भूषण दशरथ शेवाळे यांच्या हस्ते महात्मा ज्योतिबा फुले यांच्या प्रतिमेला पुष्पहार अर्पण करून अभिवादन करण्यात आले.यावेळी शाळेतील शिक्षक व शिक्षिका कर्मचारी  उपस्थित होते.उपशिक्षिका सविता सचिन कराड यांनी महात्मा ज्योतिबा फुले यांच्या जीवन कार्यांची माहिती दिली. शाळेचे मुख्याध्यापक भूषण शेवाळे व संस्थेच्या सदस्या आयशा सलीम गाजियानी यांचे मार्गदर्शन लाभले.

एच.ए.के.हायस्कूल अँड ज्यु. कॉलेज, मनमाड मध्ये क्रांतीसूर्य महात्मा ज्योतिबा फुले जयंती साजरी. मनमाड:- एच.ए.के.हायस्कूल अँड ज्यु. कॉलेज,मनमाड मध्ये क्रांतीसूर्य,महान समाज सुधारक महात्मा ज्योतिबा फुले जयंती साजरी करण्यात आली.शाळेचे मुख्याध्यापक भूषण दशरथ शेवाळे यांच्या हस्ते महात्मा ज्योतिबा फुले यांच्या प्रतिमेला पुष्पहार अर्पण करून अभिवादन करण्यात आले.यावेळी शाळेतील शिक्षक व शिक्षिका कर्मचारी उपस्थित होते.उपशिक्षिका सविता सचिन कराड यांनी महात्मा ज्योतिबा फुले यांच्या जीवन कार्यांची माहिती दिली. शाळेचे मुख्याध्यापक भूषण शेवाळे व संस्थेच्या सदस्या आयशा सलीम गाजियानी यांचे मार्गदर्शन लाभले.

एच.ए.के.हायस्कूल अँड ज्यु. कॉलेज, मनमाड मध्ये क्रांतीसूर्य महात्मा ज्योतिबा फुले जयंती साजरी....

read more
[hsas-shortcode group="" speed="10" direction="left" gap="50"]