प्रकृती स्कूल मनमाडच्या वतीने दिवाळी गृहपाठांतर्गत इयत्ता पहिलीच्या विद्यार्थ्यांना औषध पाकिटे (Medicine Envelopes) तयार करण्याचा उपक्रम देण्यात आला होता. विद्यार्थ्यांनी हा उपक्रम उत्साहाने व यशस्वीरीत्या पूर्ण केला. शनिवार, दिनांक २१ नोव्हेंबर २०२६ रोजी इयत्ता पहिलीच्या विद्यार्थ्यांनी वर्ग शिक्षिका सौ.नमिता पिल्लई ,कु. तरन्नूम शेख, सौ.मानसी कळमकर व विषय शिक्षिका सौ.आसावरी पवार, कु.स्नेहल गवई आणि सौ.पुनम साळस्कर या शिक्षकांसह मनमाड येथील शासकीय सिव्हिल हॉस्पिटलला भेट देऊन स्वतः तयार केलेली औषधांची पाकिटे सुपूर्द केली. या उपक्रमातून विद्यार्थ्यांमध्ये दया, सहकार्य, दातृत्व, संवेदनशीलता आणि सामाजिक बांधिलकीची भावना रुजविण्याचा सुंदर प्रयत्न करण्यात आला.
या उपक्रमासाठी शाळेचे मुख्याध्यापक सौरभ जैन सर, उपमुख्याध्यापिका कु. प्रीती परदेशी मॅम यांचे मार्गदर्शन व सहकार्य लाभले.
“ज्ञानासोबत माणुसकीचे संस्कार रुजवणे, हाच खऱ्या शिक्षणाचा पाया!” या विचाराला सार्थ ठरवणारा प्रकृती स्कूलचा हा उपक्रम मनमाडमध्ये एक प्रेरणादायी संदेश देणारा ठरला.












