नांदगाव शहरावर उद्भवलेल्या संकटाने अनेक नागरिकांना आपली घरे, दुकाने तसेच अनेकांचे संसार उध्वस्त झाला.परवाच राज्याचे कृषिमंत्री ना. दादा भुसे व तद्नंतर जिल्ह्याचे पालकमंत्री ना. छगन भुजबळ यांनीही नांदगावचा दौरा केला होता. त्यानंतर झालेल्या आढावा बैठकीत आमदार सुहास कांदे यांनी आपातकालीन निधीची मागणी नांदगावच्या पूरग्रस्त भागांसाठी केल्याने पालकमंत्री भुजबळ व आमदार कांदे यांच्यामध्ये खडाजंगी झाली होती. त्याच पार्श्वभूमीवर काल तत्काळ झालेल्या नियोजन मंडळाच्या बैठकीत जिल्हाधिकारी सूरज मांढरे यांनी पूरग्रस्तांच्या मदतीसाठी शासनाला त्वरित प्रस्ताव पाठवून पूनार्विनियोगाचे आश्वासन दिले होते.
आज जिल्हाधिकारी सूरज मांढरे यांनी तत्काळ नांदगावला भेट देऊन पूरग्रस्त भागाची पाहणी केली त्यांचेसमवेत आमदार कांदे, तहसीलदार पाटील, नगर पालिकेचे मुख्याधिकारी घांडे, अभियंता जाधव, पोलीस निरीक्षक कातकडे, विलास आहेर, गुलाब भाबड, तालुका प्रमुख किरण देवरे यांसह नागरिक उपस्थित होते.
मनमाड च्या कृष्णा व्यवहारे ला पहिल्याच स्पर्धेत सुवर्णपदक
कृष्णा व्यवहारे ला सुवर्णपदक छत्रपती संभाजी नगर येथे सुरू असलेल्या महाराष्ट्र राज्यस्तरीय युथ...
