जगाचा पोशिंदा असलेल्या शेतकरी राजासाठी मोदी सरकार किसान क्रेडीट कार्ड देणार असून यात सर्व शेतकरी बांधवाना सामाऊन घेण्याची तयारी सरकार करीत आहे. मोदी सरकार शेतकऱ्यांच्या हिताचा मोठा निर्णय घेऊ शकते. केंद्रीय कृषिमंत्री नरेंद्र सिंह तोमर यांच्या माहितीनुसार सर्व शेतकऱ्यांना किसान क्रेडिट कार्ड दिले जाणार आहे.
साथीच्या काळातही शेतकऱ्यांना किसान क्रेडिट कार्ड प्रदान केले गेले होते. सर्व शेतकऱ्यांना किसान क्रेडीट कार्ड अंतर्गत आणण्यासाठी सरकार गेल्या वर्षापासून मोहीम राबवत आहे. केंद्र सरकारच्या योजनांचा लाभ योग्य शेतकऱ्यांपर्यंत पोहोचला पाहिजे, असे मत केंद्रीय कृषिमंत्री नरेंद्र सिंह तोमर यांनी व्यक्त केले.
किसान क्रेडीट कार्ड फक्त शेतीपुरते मर्यादित राहिलेले नाही, पशुसंवर्धन आणि मत्स्यपालन या अंतर्गत 2 लाख रुपयांपर्यंत कर्ज मिळू शकते. किसान क्रेडिट कार्डद्वारे सरकार शेतकऱ्यांना 3 लाख रुपयांपर्यंत कर्ज देते. कर्जावरील व्याज 9 टक्के असले तरी त्याला सरकारकडून 2% सबसिडी मिळते. यासह कर्जावर फक्त 7 टक्के व्याज भरावे लागते.
शेती, मत्स्यपालन आणि पशुपालनाशी संबंधित कोणतीही व्यक्ती, जरी त्याने दुसऱ्याच्या जमिनीवर शेती केली, तरी याचा लाभ घेऊ शकतो. किमान वय 18 वर्षे आणि कमाल 75 वर्षे असावे. जर शेतकऱ्याचे वय 60 वर्षांपेक्षा जास्त असेल तर सह-अर्जदार देखील आवश्यक असेल. ज्यांचे वय 60 पेक्षा कमी आहे. शेतकऱ्याचा फॉर्म भरल्यानंतर बँक कर्मचारी तुम्हाला पात्र आहे की नाही याचा निर्णय घेतील.
प्रक्रिया :
https://pmkisan.gov.in/ या अधिकृत साईटवर जा आणि इथून किसान क्रेडिट कार्ड फॉर्म डाऊनलोड करा. फॉर्म तुमच्या जमिनीची कागदपत्रे, पीक तपशीलांसह भरावा लागेल. यानंतर अर्ज भरा आणि सबमिट करा, त्यानंतर तुम्हाला संबंधित बँकेकडून किसान क्रेडिट कार्ड उपलब्ध करून देण्यात येईल.
