भारत सरकार मॅट्रीकोत्तर शिष्यवृत्ती योजनेसाठी अर्ज प्रक्रिया सुरू..

नाशिक :- शैक्षणिक वर्ष 2020-21 करीता मागास प्रवर्गातील विद्यार्थ्यांसाठी महाडीबीटी या
संकेतस्थळावर अर्ज सादर करण्यासाठी 30 सप्टेंबर 2021 पर्यंत मुदतवाढ देण्यात आली
आहे. सदर शिष्यवृत्तीचा लाभ मिळण्यासाठी विद्यार्थ्यांनी त्वरीत ऑनलाईन अर्ज सादर
करण्याचे आवाहन सहाय्य‍क आयुक्त समाज कल्याण नाशिक सुंदरसिंग वसावे यांनी
शासकीय प्रसिद्धी पत्रकान्वये केले आहे.
शासकीय प्रसिद्धीपत्रकात नमूद केल्यानुसार, या शिष्यवृत्तीसाठी शैक्षणिक वर्ष 2021-22
मध्ये महाविद्यालयात प्रवेश घेतलेले व शिष्यवृत्ती योजनेचा लाभ घेण्यास इच्छुक असलेले
अनुसूचित जाती, विमुक्त जाती व भटक्या जमाती, इतर मागास प्रवर्ग , विशेष मागास
प्रवर्ग असेलेल्या विद्यार्थ्यांनी त्यांचे अर्ज https://mahadbtmahait.gov.in या
संकेतस्थळावर सादर करण्याविषयी कळविण्यात आले आहे.
या संदर्भात सर्व महाविद्यालयांनी त्यांच्या स्तरावर विद्यार्थ्यांमध्ये जनजागृती करावी.
तसेच महाविद्यालयांनी महाविद्यालय स्तरावर प्रलंबित असणारे शिष्यवृतीचे अर्ज त्वरीत
ऑनलाईन प्रणालीतून तपासून सहाय्यक आयुक्त समाज कल्याण नाशिक या कार्यालयाकडे
वर्ग करावे. असेही, वसावे यांनी शासकीय प्रसिध्दी पत्रकान्वये कळविले आहे.