Breaking News

[post-marguee]

[ays_poll id=7]

नांदगावला पावसाचे दमदार पुनरागमन; नागरिक धास्तावले

Sep 21, 2021

नांदगाव (प्रतिनिधी):- दोन ते तीन दिवसापासून दडी मारलेल्या पावसाने आज दुपारी पुन्हा दमदार हजेरी लावली. त्यामुळे लेंडी नदीला पुरसदृश्य परिस्थिती निर्माण झाल्याने नांदगावकर पुन्हा एकदा धास्तावले. तसेच रेल्वेचा भुयारी मार्ग पाण्याने भरल्याने नागरिकांचे हाल झाले. लेंडीनदी व शाकंबरीनदीला तेरा दिवसापूर्वी आलेला पूर ओसरत नाही तोच आज पुन्हा नद्या खळखळून वाहू लागल्या. आज सकाळपासून सुरू झालेल्या पावसाने दुपारी एक ते दिडच्या दरम्यान नांदगाव शहर व परिसरात जोरदार हजेरी लावली. शाकंबरी व लेंडी नदीला पुन्हा पाणी वाहू लागल्याने पुरसदृश्य परिस्थिती निर्माण झाली होती. शहर व रेल्वे फाटकाकडिल विवेकानंदनगर, मल्हारवाडी, चांडक प्लॉट, कैलास नगर, हमालवाडा, आनंद नगर, गंगाधरी, तहसिल कार्यालय, पंचायत समिती, ग्रामीण रूग्णालय, कोर्ट, कृषी उत्पन्न बाजार समिती आदि लोकवस्तीकडे नागरिकांना ये -जा करण्यासाठी रेल्वेने उभारलेल्या भुयारी मार्गात मोठ्या प्रमाणात पाणी साचल्याने नागरिकांना रेल्वे लाईनवरून जीव धोक्यात घालून जावे लागले. तर नदीकाठी बसलेल्या भाजी विक्रेत्यांची यामुळे एकच उडाली.
नदीकाठच्या नागरिकांनी सुरक्षित स्थळी स्थलांतर करावे, अशा सुचना नांदगाव नगरपरिषदेच्या प्रशासनाकडून देण्यात आल्या आहेत. दरम्यान, तहसिलदार, पोलिस प्रशासन व नगरपरिषद प्रशासन सतर्क झाले असून पुरस्थितीवर लक्ष ठेवून आहे. दरम्यान 8 सप्टेंबरला झालेल्या जलप्रलयातून अजुनही नांदगावकर सावरलेले नसतांना आज पुन्हा लेंडी नदीला जोरदार पाणी वाहू लागल्याने नांदगावकर मात्र आज चांगलेच धास्तावले आहे. दरम्यान, नांदगाव परिसरात यापूर्वी झालेल्या पावसाने शेतकर्‍यांचे अतोनात नुकसान झाले. तर आजच्या पावसाने होत्याचे नव्हते झाले आहे. शासनाने शेतकर्‍यांचा अंत न पाहता त्वरित त्यांना भरपाई द्यावी, अशी मागणी भारतीय जनता पार्टीचे ज्येष्ठ नेते सजनतात्या कवडे यांनी केली आहे.
शहरातील व्यवसायिकांनी केलेल्या अतिक्रमणाबाबत प्रशासन अ‍ॅक्शनमोडवर आले असून अधिकार्‍यांनी शहरातील विविध भागात विशेषत: नदीकाठच्या छोट्या- मोठ्या अतिक्रमण केलेल्या व्यवसायिकांना तीनच दिवसांचा अल्टीमेटम्फ देण्यात आल्याने एकच खळबळ उडाली आहे.
8 सप्टेंबर रोजी नांदगाव शहरातील लेंडी नदी व शाकंबरी नदीला महापूर आला होता. या महापूरात लेंडीनदीवरील फरशीपुलावर असलेल्या टपर्‍या पुराच्या पाण्यात अडकल्याने परिसरातील घरा – घरात पाणी घुसले तर डॉ.आंबेडकर चौक, गांधीचौक व फुले चौक आदी भागातील विविध दुकानांमध्ये पाणी घुसल्याने व्यावसायिकांचे मोठ्या प्रमाणावर नुकसान झाले आहे. या पार्श्वभूमीवर व्यापार्‍यांनी मुख्याधिकारी विवेक धांडे यांना निवेदन देऊन निवेदनात भविष्यात पुन्हा असा प्रसंग घडू नये म्हणून त्वरित पावले उचलावित यासाठी मागण्यांचे निवेदन नगरपरिषदेला दिले आहे. नगरपरिषदेने नदीकाठी असलेल्या टपरीधारक व्यवसायिकांना प्रत्यक्ष भेटून व त्यांचे मोबाईल नंबर घेवून त्यांचेशी संवाद साधुन तीन दिवसात आपले अतिक्रमण काढून घ्यावे अन्यथा नगरपरिषदेकडून काढण्यात येईल, असा इशारा दिला आहे. सदर मोहीम मुख्याधिकारी धांडे यांचे मार्गदर्शनाखाली राहुल कुटे, बंडू कायस्थ, गणेश पाटिल, अरूण निकम, श्रीमती मोरे, धनवटे, चोपडे, आनंद महिरे, वाघमारे, जाधव, पवार यांनी राबविण्यात येणार आहे.
दरम्यान, ज्याच्या कुटूंबाचा उदरनिर्वाह छोट्या व्यवसायावर अवलंबून आहे व अशा व्यवसायिकांसाठी पर्यायी व्यवस्था, जागा द्यावी तसेच सर्वांनाच एकाच मापदंडात तोलण्यात यावे. जेणेकरून कोणावर अन्याय होणार नाही ,अशी मागणीही सदर व्यवसायिकांनी केली आहे.

 

अजून बातम्या वाचा..

(बघा व्हिडीओ)  शिवसेना नेते खासदार संजय राऊत याना ईडीने अटक केल्याने आज मनमाड मध्ये निषेध रॅली

(बघा व्हिडीओ) शिवसेना नेते खासदार संजय राऊत याना ईडीने अटक केल्याने आज मनमाड मध्ये निषेध रॅली

शिवसेना नेते खासदार संजय राऊत याना ईडीने अटक केल्याने आज मनमाड मध्ये निषेध रॅली काढण्यात येऊन...

read more
मनमाड शहर राष्ट्रवादी काँग्रेसच्या वतीने लोकशाहीर अण्णाभाऊ साठे यांच्या १०२ व्या जयंती निमित्त अभिवादन

मनमाड शहर राष्ट्रवादी काँग्रेसच्या वतीने लोकशाहीर अण्णाभाऊ साठे यांच्या १०२ व्या जयंती निमित्त अभिवादन

मनमाड शहर राष्ट्रवादी काँग्रेसच्या वतीने लोकशाहीर अण्णाभाऊ साठे यांच्या १०२ व्या जयंती निमित्त...

read more
एच.ए.के.हायस्कूल & ज्यु.कॉलेज,मनमाड मध्ये लोकमान्य टिळक पुण्यतिथी व लोकशाहीर आण्णाभाऊ साठे जयंती साजरी.

एच.ए.के.हायस्कूल & ज्यु.कॉलेज,मनमाड मध्ये लोकमान्य टिळक पुण्यतिथी व लोकशाहीर आण्णाभाऊ साठे जयंती साजरी.

मनमाड:- एच.ए.के.हायस्कूल & ज्यु.कॉलेज मध्ये संस्था व शाळा समन्वयक अमोल निकम सर यांच्या...

read more
(बघा व्हिडीओ) सौ.अंजुमताई कांदे यांच्या माध्यमातून नांदगाव नगर पालिका शाळेतील ६२० विद्यार्थ्यांना वह्यांचे वाटप.

(बघा व्हिडीओ) सौ.अंजुमताई कांदे यांच्या माध्यमातून नांदगाव नगर पालिका शाळेतील ६२० विद्यार्थ्यांना वह्यांचे वाटप.

नांदगाव : लोकमान्य बाळ गंगाधर टिळक पुण्यतिथी आणि साहित्यरत्न आण्णा भाऊ साठे जयंतीचे औचित्य साधून...

read more
लोकशाहीर अण्णाभाऊ साठे यांच्या जयंती निमित्त नियोजित पुतळ्याचे सौ.अंजुम कांदे यांच्या हस्ते पूजन

लोकशाहीर अण्णाभाऊ साठे यांच्या जयंती निमित्त नियोजित पुतळ्याचे सौ.अंजुम कांदे यांच्या हस्ते पूजन

सौ.अंजुमताई कांदे यांच्या हस्ते आज साहित्यरत्न आण्णा भाऊ साठे यांच्या जयंती निमित्त पुतळा नियोजित...

read more
वनवासी कल्याण आश्रम मनमाड शाखे तर्फ शहरातील जनजाती समाजातील विद्यार्थ्यांचा गुणगौरव सोहळा संपन्न

वनवासी कल्याण आश्रम मनमाड शाखे तर्फ शहरातील जनजाती समाजातील विद्यार्थ्यांचा गुणगौरव सोहळा संपन्न

मनमाड : (योगेश म्हस्के) शहर वनवासी कल्याण आश्रमा तर्फे जनजाती समाजातील गुणवंत विद्यार्थ्यांचा...

read more
पहिल्या श्रावणी सोमवार निमित्त पातालेश्वर महादेव मंदिरामध्ये महारुद्र अभिषेक संपन्न….

पहिल्या श्रावणी सोमवार निमित्त पातालेश्वर महादेव मंदिरामध्ये महारुद्र अभिषेक संपन्न….

मनमाड :(योगेश म्हस्के)चातुर्मास सुरू झाल्यानंतर सर्वांना वेध लागतात ते श्रावणाचे. श्रावणातील...

read more
[hsas-shortcode group="" speed="10" direction="left" gap="50"]