UAN – आधार लिंक – 30 नोव्हेंबरपर्यंत मुदतवाढ!

कर्मचारी भविष्य निर्वाह निधी संघटना द्वारे 1 जून २०२० रोजी एक परिपत्रक जारी करण्यात आले होते. परिपत्रकानुसार, प्रत्येक कर्मचाऱ्याला सार्वत्रिक खाते क्रमांक आधार क्रमांकाशी जोडणे अनिवार्य करण्यात आले होते. सदर परिपत्रकात याची मुदत १ सप्टेबर पर्यंत देण्यात आली होती. दिल्ली उच्च न्यायालयाने युनिव्हर्सल अकाउंट नंबर (UAN) आधारकार्डशी जोडण्याची मुदत 30 नोव्हेंबरपर्यंत वाढवली आहे. न्यायालयाने सांगितले की, जर एखाद्या कर्मचाऱ्याचे आधार त्याच्या युनिव्हर्सल अकाउंट नंबरशी जोडलेले नसेल तर त्याच्यावर 31 नोव्हेंबरपर्यंत कोणतीही कारवाई केली जाणार नाही.

ईपीएफओने जारी केलेले परिपत्रक लक्षात घेऊन सरकारने 15 जून रोजी नवीन परिपत्रक जारी केले आणि या कामाची अंतिम मुदत 1 सप्टेंबर निश्चित केली होती, त्याला दिल्ली उच्च न्यायालयाने ३१ नोव्हेंबर पर्यंत मुदतवाढ दिली आहे. दरम्यान नियोक्ते ज्या कर्मचाऱ्यांचा आधार क्रमांक अद्याप यूएएनशी जोडलेला नाही, त्यांच्या संबंधात भविष्य निर्वाह निधीचे योगदान जमा करण्याची परवानगी असेल, असे न्यायाधीश म्हणाले. ज्यांनी अद्याप असे केले नाही, त्यांच्यावर कोणतीही दंडात्मक कारवाई केली जाणार नाही.