काल भारताने कोविड लसिकरणात नवा उच्चांक गाठला. १० महिन्यात १०० कोटी लसीकरण भारतात झालेत. या लसीकरण मोहिमेत सर्वाधिक लसीकरण करणाऱ्या देशातील पहिल्या पाच राज्यांमध्ये महाराष्ट्र दुसऱ्या क्रमांकावर असल्याची माहिती केंद्राकडून देण्यात आली आहे.
सर्वाधिक लसीकरण झालेल्या राज्यांत उत्तर प्रदेश अव्वल क्रमांकावर असून ९ कोटी ३२ लाखांपेक्षा जास्त लसीकरण केलेला महाराष्ट्र देशात दुसऱ्या क्रमांकावर आहे. मोफत लसीकरण मोहिमेची घोषणा झाल्यावर सुरवातीला राज्यांना जाणवलेली लसीची तीव्र टंचाई, लसीकरणाचा संथ वेग आदी अडथळ्यांवर मात करीत भारताने हा ऐतिहासिक टप्पा गाठला.
कोविन ॲपवरील माहितीनुसार, आतापर्यंत १०३.५ कोटींपेक्षा जास्त नागरिकांचे लसीकरण झाले आहे. देशात इतर कोणत्याही रोगाच्या प्रतिबंधासाठी राबविलेल्या लसीकरणात या लसीकरणाचा वेग सर्वाधिक असल्याची माहिती देखील केंद्राने दिली आहे.
