काही दिवसांपूर्वी कोव्हॅक्सिन घेतलेल्या भारतीय नागरिकांना अमेरिकेत प्रवेश नाकारण्यात आला आहे. दुसरीकडे कोव्हॅक्सिन घेतलेल्या भारतीय नागरिकांना ऑस्ट्रेलियाने प्रशासनाने देशात प्रवेश करण्यास मान्यता दिली आहे. ऑस्ट्रेलियाने भारत बायोटेकने विकसित केलेल्या कोव्हॅक्सिन लसीला मान्यता दिली आहे. ऑस्ट्रेलियाने मान्यताप्राप्त लसींमध्ये कोव्हॅक्सिनचा समावेश केला आहे. त्यामुळे कोव्हॅक्सिन लसीचे दोन डोस घेणाऱ्यांना आता ऑस्ट्रेलियात सहज प्रवेश मिळणार आहे. मागच्या महिन्यात ऑस्ट्रेलियाने सिरम इन्स्टिट्यूटने निर्मिती केलेल्या ‘कोव्हिशिल्ड’ लसीला मान्यता दिली होती.
या निर्णयामुळे शिक्षणासाठी ऑस्ट्रेलियात येणारे आंतरराष्ट्रीय विद्यार्थी व कुशल मनुष्यबळाचा ऑस्ट्रेलियात जाण्याचा मार्ग मोकळा झाला आहे. लसीकरण न झालेल्या व्यक्तींना क्वारंटाइनमध्ये रहावे लागेल तसेच सर्व प्रवाशांचा कोविड-१९ रिपोर्ट निगेटिव्ह असला पाहिजे.
