खगोल शास्त्रात चंद्रग्रहण आणि सूर्यग्रहण यांचे विशेष महत्व आहे. ग्रहणाचे ज्योतिष शास्त्रात देखील मोठे महत्व आहे. १९ नोव्हेंबर रोजी या वर्षीचे अखेरचे चंद्रग्रहण होणार आहे. हे या वर्षीचे तिसरे ग्रहण असून दुसरे चंद्रग्रहण आहे आणि हे चंद्रग्रहण विशेष महत्वाचे आहे. याच वर्षी ४ डिसेंबर रोजी एक सूर्यग्रहण देखील आहे.
१९ नोव्हेंबर रोजी होणारे चंद्रग्रहण अतिशय वैशिष्टपूर्ण आहे कारण असे चंद्रग्रहण ५८० वर्षानंतर होणार आहे. अशा प्रकारचे चंद्रग्रहण आजपासून सुमारे ५८० वर्षपूर्वी लागले होते. या आधी अशाप्रकारचे चंद्रग्रहण सन १४४० साली लागले होते, आता १९ नोव्हेंबर २०२१ रोजी आणि भविष्यात ८ फेब्रुवारी २६६९ रोजी दिसेल. म्हणजे आजपासून ६४८ वर्षानंतर अशा प्रकारचे दीर्घ काळ चालणारे चंद्रग्रहण दिसणार आह. हे सर्वात अधिक वेळ चालणारे अंशिक चंद्रग्रहण असून याचा कालावधी ३ तास इतका असेल. १९ नोव्हेंबर रोजी पृथ्वीपासून चंद्राचे अंतर अधिक जास्त असल्याने हे चंद्रग्रहण जास्त वेळ सुरु राहील, असे खगोल शास्त्रज्ञाचे मत आहे.
पुढील वर्षी ८ नोव्हेंबर २०२२ रोजी पुढील चंद्रग्रहण होईल म्हणजे खगोल शास्त्रज्ञाना पुढील चंद्रग्रहण पाहण्यासाठी एक वर्ष वाट पहावी लागेल.
