मनमाड महाविद्यालयात भारतीय संविधान दिन साजरा!

महात्मा गांधी विद्यामंदिर संचलित कला विज्ञान व वाणिज्य महाविद्यालय मनमाड येथे महाविद्यालयाचे प्राचार्य डॉ. अरुण विठ्ठल पाटील यांच्या शुभहस्ते घटनेचे शिल्पकार डॉ. बाबासाहेब आंबेडकर यांच्या प्रतिमेचे पूजन व सरनामाचे सामूहिक वाचन करून 26 नोव्हेंबर हा “भारतीय संविधान दिन” मोठ्या उत्साहात साजरा करण्यात आला.
कार्यक्रमाचे प्रमुख वक्ते ॲड. रमेश अग्रवाल यांनी आपल्या मनोगतातून भारतीय जनतेमध्ये संविधानाविषयी जनजागृती व्हावी .भारतीय नागरिकांना प्राप्त झालेल्या मूलभूत अधिकार व कर्तव्य यांची जाणीव व्हावी. त्याचबरोबर डॉ.आंबेडकर यांच्या विचारांचा प्रसार व्हावा. या उद्देशाने दरवर्षी भारतभर संविधान दिन साजरा केला जातो.असे विचार व्यक्त केले.
आपल्या अध्यक्षीय मनोगतातून प्राचार्य डॉ.विठ्ठल अरुण पाटील यांनी स्वातंत्र्यपूर्व काळात भारतीय नेत्यांनी परकीय सत्तेविरुद्ध प्रखर लढा दिल्यामुळेच आपल्या देशाला स्वातंत्र्य मिळाले व जगातील आदर्श राज्यघटनांचा अभ्यास करून भारतासाठी आदर्श व मुल्यवत अशी घटना निर्माण केली गेली याचे संपूर्ण श्रेय घटनाकारांना दिले पाहिजे. स्वातंत्र्यपूर्व काळात भारतीय नेत्यांनी जी ध्येय मनाशी बाळगली होती त्यांचा उल्लेख सरनामात केलेला आढळतो असे विचार व्यक्त करून भारतीय नागरिकांनी घटनेचे पावित्र्य राखणे हे राष्ट्रीय कर्तव्य आहे. असे आवाहन केले
या दिवसाचे औचित्य साधून मनमाड येथील राहत फाउंडेशनचे कार्यकर्ते कयाम सय्यद, सोहेल जाफरी,नाजिम शेख ,जाहिद शेख आबीद शेख, वाहिद शेख यांनी फ्रेम केलेली उद्देश पत्रिका महाविद्यालयाला सप्रेम भेट दिली. कार्यक्रमाचे सूत्रसंचालन प्रा.सौ.वर्षाराणी पेढेकर तर प्रास्ताविक प्रा.एन.ए. पाटील यांनी केले व प्रमुख पाहुण्यांचा परिचय प्रा.सौ .कविता काखंडकी यांनी करून दिला. कार्यक्रमाप्रसंगी कनिष्ठ विभाग उपप्राचार्या सौ.ज्योती पालवे, कुलसचिव समाधान केदारे , ॲड. यास्मिन शाह, ॲड. पूजा मल्हारे, प्राध्यापक वृंद व विद्यार्थी मोठ्या संख्येने उपस्थित होते कार्यक्रमाचे आयोजन महिला कक्ष,राष्ट्रीय सेवा योजना,ग्रंथालय विभाग, राज्यशास्त्र विभाग व विद्यार्थी विकास मंडळ यांच्या संयुक्त विद्यमाने करण्यात आले. डॉ. पवनसिंग परदेशी यांनी आभार व्यक्त केले व राष्ट्रगीताने कार्यक्रमाची सांगता झाली.