येवला शहरातील नगरपालिका क्षेत्रातील 19 रस्त्यांसाठी 5 कोटींचा निधी मंजूर करण्यात आला आहे. राज्याचे अन्न, नागरी पुरवठा व ग्राहक संरक्षण मंत्री तथा नाशिक जिल्ह्याचे पालकमंत्री छगन भुजबळ यांच्या विशेष प्रयत्नांतून ‘विशेष रस्ता योजनेअंतर्गत’ हा निधी मंजूर करण्यात आला आहे. या विकास कामांमुळे शहरातील स्वच्छता आणि सुशोभीकरणात अधिक भर पडणार आहे. राज्यातील नगरपालिकांना रस्ते आणि अनुषंगिक बाबींचा विकास करण्यासाठी राज्य शासनाकडून विशेष रस्ते अनुदान या योजनेतून निधी दिला जातो. या योजनेतून येवला शहरातील रस्त्यांची व भूमिगत गटारांची कामेही मार्गी लागणार आहेत.
मनमाड शहरातील साडे पाच वर्षाची चिमुकली जैनब आत्तार ने कडाक्याच्या उन्हाळ्यात जीवनातील पहिला रोजा पूर्ण केला,
मनमाड :- इस्लाम धर्मात पवित्र रमजान या महिन्याला अनन्य महत्व प्राप्त आहे. या महिन्यात सर्वच...
