राज्यात कोरोनाचा रूग्णांची संख्या गुणाकाराने वाढत असून आता राजकीय मंडळी, मंत्री, आमदार व मंत्रालयातील कर्मचाऱ्यांना कोरोनाचा संसर्ग झाला आहे. राज्याचे अन्न पुरवठा व ग्राहक संरक्षण मंत्री छगन भुजबळ तसेच राज्याचे गृहमंत्री दिलीप वळसे पाटील यांच्या कार्यालयातील कोरोना बाधितांच्या संख्येत लक्षणीय वाढ झाली आहे.
ना.भुजबळ यांच्या कार्यालयात २२ तर ना. वळसे पाटील यांच्या कार्यालयातील २१ लोक आतापर्यंत कोरोना बाधित झाले आहेत. त्यामुळे राजकीय नेत्यांचे कार्यालयांनाच कोरोनाचा विळखा बसल्याचे उघड झाले आहे.
अनेक मंत्र्यांच्या घरात व संपर्क कार्यालयात करोनाने शिरकाव केला आहे. ना.भुजबळ यांनी गर्दी टाळण्याचे आवाहन पदाधिकारी, कार्यकर्ते व नागरिकांना केले आहे. भुजबळ यांनी त्यांचे दौरे रद्द केले असून उद्या होणार्या डिपीडिसीला ते आँनलाईन हजेरी लावणार असल्याचे समजते.
