मनमाड महाविद्यालयात भूगोल दिन संपन्न

महात्मा गांधी विद्यामंदिर संचलित कला विज्ञान व वाणिज्य महाविद्यालय मनमाड येथे महाविद्यालयाचे प्राचार्य प्रा.डॉ. ए.व्ही. पाटील यांच्या मार्गदर्शनाखाली भूगोल विभागांतर्गत भूगोल दिनानिमित्त लोणार सरोवर: विज्ञानातील एक रहस्य या विषयावरती ऑनलाईन व्याख्यान आयोजित करण्यात आले. या ऑनलाईन व्याख्यानासाठी प्रमुख व्याख्याते म्हणून सी. टी. बोरा महाविद्यालय येथील प्रा.डॉ.अतुल जेठे यांनी पीपीटी द्वारे विद्यार्थ्यांना मार्गदर्शन केले. तसेच लोणार सरोवराची निर्मिती, त्याचे गुण वैशिष्ट्ये, वैज्ञानिक रहस्य याविषयी बहुमोल असे मार्गदर्शन केले. या प्रसंगी महाविद्यालयाचे प्राचार्य डॉ.ए.व्ही.पाटील सर यांनी मोलाचे मार्गदर्शन केले. या कार्यक्रम प्रसंगी प्रमुख उपस्थिती म्हणून निमगाव महाविद्यालय येथील प्राचार्य डॉ.एस.एन.निकम व एम.एस.जी. महाविद्यालय येथील उप-प्राचार्य प्रा.डॉ.सी.एम. निकम उपस्थित होते. तसेच महाविद्यालयाचे उपप्राचार्य प्रा.डॉ.प्रमोद आंबेकर उपस्थित होते. या कार्यक्रमाचे प्रास्ताविक भूगोल विभाग प्रमुख प्रा. एस.आर.पगार यांनी केले. प्रमुख पाहुण्यांची ओळख प्रा.डी.व्ही.सोनवणे यांनी करून दिली. तसेच कार्यक्रमाचे आभार प्रदर्शन डॉ.गणेश गांगुर्डे यांनी केले. या कार्यक्रमासाठी भूगोल विभागातील प्रा.प्रकाश बर्डे यांचे सहकार्य लाभले व महाविद्यालयातील सर्व प्राध्यापक वृंद, शिक्षकेत्तर कर्मचारी व विद्यार्थी वर्ग उपस्थित होते.