राज्यात कौशल्य वृद्धीसाठी आवश्यक असणाऱ्या पायाभूत सुविधांचा विकास तसेच उद्योजकता आणि नाविन्यतेच्या वृद्धीसाठी जागतिक बँकेच्या सहकार्याने महाराष्ट्र कौशल्य विकास प्रकल्प राबविण्यात येणार असल्याची माहिती कौशल्य, रोजगार, उद्योजकता व नाविन्यता मंत्री राजेश टोपे यांनी दिली.
राज्य शासन आणि विविध कॉर्पोरेट संस्था, उद्योग यांच्या एकत्रित सहभागातून युवक, महिला, विधवा आदींच्या कौशल्य विकासाला गती देण्यासाठी राज्यस्तरीय कौशल्य विकास सामाजिक दायित्व निधी व स्वेच्छा देणगी समिती स्थापन करण्यात येत असल्याची माहितीही त्यांनी दिली.
