संजय बियाणी यांच्या हत्येचा निषेध

नांदेड येथील माहेश्वरी समाजाचे बांधकाम व्यावसायीक संजय बिहाणी यांची अज्ञात हल्लेखोरांनी निघृण हत्या केली .या घटनेचा नांदगाव शहर माहेश्र्वरी समाजाकडून माहेश्र्वरी प्रगती मंडळाचे रामनिवास करवा ‘ अमोल नावदंर यांच्या नेतृत्वाखाली निषेध आंदोलन करून तहसिलदार नांदगाव यांना निवेदन देण्यात आले.
याबाबत वृत असे की नांदेड येथील माहेश्र्वरी समाजाचे बांधकाम व्यावसायीक संजय बिहाणी यांची त्यांच्या घराजवळ गाडीतून उतरत असतानां मोटार सायकल वरुण आलेल्या गुंडानी त्यांच्यावर गोळीबार करून त्यांना ठार मारले या घटनेचा नांदगाव माहेश्र्वरी प्रगती मंडळाने निषेध केला असून तहसिल कार्यालयात प्रशासन नायब तहसिलदार श्री मोरे यांना निवेदन देण्यात आले. निवेदनात म्हटले आहे की माहेश्वरी समाज हा शांतताप्रिय समाज असून कायद्याची बुज राखणारा देशाच्या व राज्याच्यां महसुलात मोठे योगदान देणारा समाज आहे. अशा आमच्या समाजाचे नांदेड येथील दानशुर व्यक्तीमत्व प्रसिध्द बांधकाम व्यावसायीक संजय बियानी यांची दिवसाढवळया जी निघृण हत्या झाली त्याचा आम्ही निषेध करतो . हल्लेखोरानां व सुत्रधारानां त्वरीत अटक करून कायदेशीर कारवाई करावी . यावेळी रामनिवास करवा ‘ प्रकाश कलंत्री ‘ अमोल नावदंर ‘ भुषण धुत ‘ सागर फोफलिया ‘ यज्ञेश कलंत्री ‘ नंदन करवा ‘ केतन करवा ‘ आनंद गांधी’ अमित चांडक ‘ सुशील फोफलिया ‘ गोविंद फोफलिया ‘ आदी उपस्थीत होते