महात्मा गांधी विद्यामंदिर संचलित कला,विज्ञान व वाणिज्य महाविद्यालय मनमाड येथे महाविद्यालय व
महाविद्यालयाच्या महिला कल्याण तक्रार निवारण समिती यांच्या संयुक्त विद्यमाने जागतिक आरोग्य दिवसाचे औचित्य साधून महाविद्यालयाचे मा. प्राचार्य डॉ. ए. व्ही. पाटील यांच्या मार्गदर्शनाखालीआरोग्य संपदा या विषयावर व्याख्यान व आरोग्य तपासणी शिबिर या कार्यक्रमांचे आयोजन करण्यात आले.
या कार्यक्रमासाठी प्रमुख वक्त्या म्हणून डॉ. सोनाली पाटील , श्रद्धा हॉस्पिटल , मनमाड या उपस्थित होत्या. त्यांनी आपल्या व्याख्यानात विद्यार्थिनींना आरोग्य कसे जपावे तसेच आरोग्य म्हणजे फक्त शारीरिक नव्हे तर त्याबरोबरच मानसिक व अध्यात्मिक आरोग्य किती महत्त्वाचे आहे हे पटवून दिले. व्याख्यानानंतर विद्यार्थिनींची तसेच उपस्थित महिला प्राध्यापकांची आरोग्य तपासणी देखील केली. या तपासणी दरम्यान त्यांनी महिला प्राध्यापिका व विद्यार्थिनींना बहुमोल असे मार्गदर्शन केले.
कार्यक्रमाच्या अध्यक्षस्थानी महाविद्यालयाचे सन्माननीय प्राचार्य डॉ. ए व्ही पाटील होते. त्यांनी आपल्या अध्यक्षीय मनोगतात सांगितले की महिला या घराचा नव्हे तर देशाचा कणा आहे आणि त्यांनी आरोग्याविषयी जागरूक राहणे ही काळाची गरज आहे.
कार्यक्रमाचे सूत्रसंचालन कुमारी लेपाक्षी परदेशी यांनी केले तर अतिथी परिचय आणि प्रास्ताविक प्रा.डॉ. आरती एस. छाजेड यांनी केले .
कार्यक्रमाचे आभार प्रदर्शन प्रा. सुप्रिया शिरसाट यांनी केले. या कार्यक्रमाला कनिष्ठ विभागाच्या उपप्राचार्या सौ. ज्योती पालवे तसेच सर्व महिला प्राध्यापिका उपस्थित होत्या आणि मोठ्या संख्येने विद्यार्थिनींनी उपस्थिती दर्शवून व्याख्यानाचा व आरोग्य शिबिराचा लाभ घेतला.
नांदगाव विधानसभा मतदार संघातील रणखेडा व बिरोळे येथे जलजीवन मिशन योजनेअंतर्गत प्रत्येकी ५० लाख रुपये किंमतीच्या दोन पाणीपुरवठा योजनांचे भूमिपूजन आमदार सुहास कांदे यांचे पुतणे किरण कांदे यांचे हस्ते आज करण्यात आले.
रणखेडा ग्रामपंचायत अंतर्गत येणाऱ्या रामवाडी व बिरोळे ग्रामपंचायत अंतर्गत येणाऱ्या सतीचा माता...
