सेंट झेवियर हायस्कूल मनमाड मध्ये महामानव डॉ.बाबासाहेब आंबेडकरांची जयंती मोठ्या उत्साहात संपन्न

मनमाड येथील सेंट झेवियर हायस्कूल मध्ये महामानव डॉ.बाबासाहेब आंबेडकरांची जयंती मोठ्या उत्साहात संपन्न झाली. याप्रसंगी व्यासपीठावर शाळेचे माननीय मुख्याध्यापक सॅबी कोरिया, माननीय पर्यवेक्षिका सिस्टर शैला, ज्येष्ठ शिक्षिका सौ. प्रियांका साळी आदी मान्यवर उपस्थित होते. मान्यवरांच्या हस्ते डॉ. बाबासाहेब आंबेडकर यांच्या प्रतिमेस पुष्पहार अर्पण करण्यात आला. कार्यक्रमाचे सूत्रसंचालन सौ. ज्योती वाघ यांनी केले तर आभार प्रदर्शन श्रीमती सरिता देवरे यांनी केले. श्री. सुनील कुमार कटारेसरांनी आपल्या भाषणातून तसेच नंतर गायलेल्या भिमगीतातून डॉ. बाबासाहेब आंबेडकरांच्या कार्याची महती सांगितली. मा. मुख्याध्यापकांनी डॉ. बाबासाहेब आंबेडकरांच्या सद्गुणांची थोडक्यात ओळख करून दिली.कार्यक्रमास शिक्षक व विद्यार्थी उपस्थित होते.