आमदार अमोल मिटकरी यांनी ब्राम्हण समाजाची टिंगल करत खिल्ली उडविल्याचा निषेधार्थ येथील संतप्त पुरोहित व ब्राम्हण समाजाने आंदोलन करून मंडल अधिकारी भिकन नरोटे यांना निवेदन देऊन आ.मिटकरी यांच्यावर कडक कायदेशीर कारवाई करण्याची मागणी केली आहे. यावेळी मोठ्या संख्यने समाजबांधव उपस्थित होते.दिलेल्या निवेदनात म्हटले आहे की, राज्यात गत अनेक दिवसांपासून जातीयवाद पेरण्याची काही लोकप्रतिनिधीनी धुरा हाती घेतली आहे. यात विद्यमान आमदार अमोल मिटकरी यांनी १२ दिवसांपूर्वी एका सभेत पुजारी, पूजा, पाठ, पौराहित्य करणाऱ्या ब्राम्हणांची टिंगल करत खिल्ली उडविल्याचा तसेच सनातन हिंदू धर्मातील पवित्र कन्यादान विधीचा चुकीच्या पद्धतीने मांडल्याचा व विपर्यास केल्याचा प्रकार घडला. या प्रकारामुळे ब्राम्हण समाजाच्या भावना दुखावल्या आहेत. यावेळी राष्ट्रवादी काँग्रेसचे प्रदेशाध्यक्ष जयंत पाटील, मंत्री धनंजय मुंडे यांनी या प्रकरणी आ.अमोल मिटकरी यांना साथ दिली. त्यामुळेच हा जातीयवाद पेरण्याचा विषय लोकप्रतिनिधीमध्ये आला असून या जातीयवादी वक्तव्य करत चमकोगिरी करूऱ्या लोकप्रतिनिधीवर कडक कारवाई झाली पाहिजे अशी मागणी निवेदनात केली आहे आ.अमोल मिटकरी यांनी पौराहित्य करणाऱ्या पुरोहितांची माफी मागितली पाहिजे. त्यांच्यावर तातडीने कायदेशीर कारवाई करावी अशी मागणी केली आहे. जातीयवाद पेरणारे लोकप्रतिनिधी माफी मागणार नसतील आणि त्यांच्यावर लवकरात लवकर कारवाई केली नाही तर या लोकप्रतिनिधीला राज्यातील कोणत्याही जिल्ह्यात फिरकू देणार नाही असा इशारा यावेळी देण्यात आला. यावेळी समीर कुलकर्णी, युवराज बळेल, स्नेहल भागवत, विनया पाठक, व्ही व्ही पुरंदरे, वसंत जोशी, चिन्मय पाठक, विवेक हातेकर, प्रकाश कुलकर्णी, सुहास मटकर, एस आर भागवत, सुषमा तिवारी, उमेश कुलकर्णी, आशितोष गाडगीळ, आदित्य कांडलीकर, एन के देशपांडे, हेमंत लाळे आदीसह श्री.परशुराम प्रतिष्ठानचे पदाधिकारी,कार्यकर्ते व समस्त समाजबांधव उपस्थित होते.
