राज्याचे हेविवेट नेते तसेच जिल्ह्याचे पालकमंत्री ना.छगनरावजी भुजबळ यांची राष्ट्रवादी काँग्रेस मनमाड शहराच्या पदाधिकार्यांनी येवला येथील कार्यालयात भेट घेतली. यावेळी आनंद बोथरा यांनी ना.भुजबळ यांच्या जुन्या आठवणीना उजाळा देण्यार्या फोटोंचे संकलन केलेली फोटो फ्रेम भेट स्वरुपात दिली. आपल्या अत्यंत व्यस्त कार्यक्रमात देखील ना.भुजबळनी सदर फ्रेम मधील सर्व फोटोंचे अत्यंत उत्साहाने निरीक्षण केले व फ्रेमच्या मांडणी बद्दल आनंद बोथरा यांचे विशेष कौतुक देखील केले. यावेळी राष्ट्रवादीचे शहराध्यक्ष दीपक गोगड, योगेश जाधव, अल्प.सेलचे हबीब शेख, ओबीसी सेल चे शुभम आहेर, अक्षय देशमुख, आनंद बोथरा आदि उपस्थित होते.
नांदगाव विधानसभा मतदार संघातील रणखेडा व बिरोळे येथे जलजीवन मिशन योजनेअंतर्गत प्रत्येकी ५० लाख रुपये किंमतीच्या दोन पाणीपुरवठा योजनांचे भूमिपूजन आमदार सुहास कांदे यांचे पुतणे किरण कांदे यांचे हस्ते आज करण्यात आले.
रणखेडा ग्रामपंचायत अंतर्गत येणाऱ्या रामवाडी व बिरोळे ग्रामपंचायत अंतर्गत येणाऱ्या सतीचा माता...
