आमदार सुहास आण्णा कांदे यांच्या प्रयत्नाने नांदगाव तालुक्यातील 29 कुटुंबीयांना शासकीय आर्थिक मदत उपलब्ध करून देण्यात आली.
दारिद्र रेषेखालील कुटुंबातील कर्ता पुरुषाचा आकस्मित मृत्यू झाल्यास त्यांच्या कुटुंबाची परवड होऊ नये म्हणून महाराष्ट्र सरकार तर्फे त्यांना वीस हजार रुपये आर्थिक सहायता उपलब्ध करून देण्यात येते.
राष्ट्रीय कुटुंब अर्थसहाय्य योजनेच्या अंतर्गत दारिद्र रेषेखालील १८ ते ५९ वयोगटातील कुटुंबातील व्यक्ती आकस्मित मृत्यू पावल्यास तातडीची मदत म्हणुन हा निधी उपलब्ध करून देण्यात येतो.
नांदगाव तालुक्यातील या सर्व प्रकरणांची रक्कम त्वरित देण्यासाठीच्या सूचना आमदार सुहास अण्णा कांदे यांनी केल्या होत्या. त्यानुसार आज बुधवार दिनांक २७ एप्रिल रोजी वारसदारना प्रत्येकी वीस हजार रुपयांचा धनादेश सुपूर्द करण्यात आला.
या प्रसंगी संजय गांधी निराधार योजना समितीचे अध्यक्ष तसेच शिवसेना तालुकाप्रमुख किरण देवरे, सदस्य रा.काँ.ता.प्रमुख विजय पाटील, ताराबाई सोनवणे, डॉक्टर प्रविण निकम, डॉक्टर प्रभाकर पवार, युवा सेना तालुका प्रमुख सागर हिरे, नायब तहसीलदार श्री वाघ साहेब, अव्वल कारकून श्री डुंबरे, पवार मॅडम, चंदाताई पाटणी उपस्थित होते.
मुख्यमंत्री उद्धव बाळासाहेब ठाकरे यांचा जनतेशी संवाद - LIVE https://t.co/ogsYKE1vvk
— CMO Maharashtra (@CMOMaharashtra) June 29, 2022
उद्धव ठाकरे यांचा मुख्यमंत्रीपदा सह आमदारकीचा राजीनामा
गेल्या १० दिवसांच्या सत्ता नाट्याचा अंक आता संपुष्टात आला आहे. मुख्यमंत्री उद्धव बाळासाहेब ठाकरे...










