चांदवड- कोरोना काळात आई व वडील गमावलेल्या अनाथ तसेच पाच ते दहा किलोमीटर पायी शाळेत जाणाऱ्या गरजू व गरीब मुलांना सायकल तसेच शैक्षणिक साहित्याचे वाटप चांदवड तहसीदार प्रदीप पाटील,संगमनेर येथील साई समर्पण फाउंडेशनचे संस्थापक डॉ.संदीप अरगडे व आशिष ताजणे, नायब तहसीलदार मीनाक्षी गोसावी,डॉ.भालचंद्र पवार,डॉ.सतीश गांगुर्डे आदी मान्यवरांच्या हस्ते करण्यात आले.
‘हेल्पिंग हँड’ या ग्रुप ने आजवर अनेक सामाजिक उपक्रम राबवले असून अनेक मदतीचे जोडून समाजातील वंचित व गोरगरीब लोकांसाठी वेळोवेळी धावून जाणारा, उपयोगी पडणारा ग्रुप म्हणून स्वताची वेगळी ओळख निर्माण केली आहे. अनाथ व गरजू मुलांना सायकल व शैक्षणिक साहित्य वाटपासाठी त्यांना चांदवड शहरातील अनेक मान्यवरांनी आर्थिक योगदान दिले.त्यात संगमनेर येथील समर्पण फाऊंडेशनचे संस्थापक डॉ.संदीप अरगडे व आशिष ताजणे,डॉ.सुशीलकुमार शिंदे,डॉ.हेमराज दळवी,डॉ.शशिकांत गवळी,डॉ.विष्णू पालवे,डॉ.सतीश गांगुर्डे,डॉ.भालचंद्र पवार,सरुबाई भंडारे,राम गुंजाळ,मुक्तार शेख,संतोष सूर्यवंशी,मनोज कोतवाल,विवेक अग्रवाल,विशाल ललवाणी,प्रकाश खालेकर, संजय दादा तांबडे,किशोर शिंदे,राहुल सोनवणे आदी मान्यवरांनी योगदान दिले.
कोराना काळात अनाथ झालेल्या डोंगरगाव येथील आशा पगारे, हर्षल पगारे या विद्यार्थ्यांना तसेच नूतन माध्यमिक भाटगाव शाळेतील कार्तिकी जाधव,गायत्री गांगुर्डे,गणेश माळी या गरजू मुलांना सायकल व शैक्षणिक साहित्य वाटप केले. कार्यक्रमाचे सूत्रसंचालन विष्णू थोरे यांनी तर आभार प्रदर्शन हर्षल गांगुर्डे यांनी केले.
याप्रसंगी चित्रकार देविदास हिरे,कवी रावसाहेब जाधव,राम क्षत्रिय,कवी सागर जाधव,पांडुरंग भाडंगे,विकी गवळी,पत्रकार धनंजय पाटील,राम बोरसे,नितीन फंगाळ,दीपक निकम,सुनील काळे,अमोल गांगुर्डे, नितीन ठाकरे आदींसह अनेक मान्यवर उपस्थित होते.
आमच्या शालेय विद्यार्थ्यांना 3 सायकल,3 स्कुल बॅग, व 22 शूज ची अमूल्य अशी मदत करणारे शुभ हात म्हणजे चांदवड चे मा.तहसीलदार श्री.प्रदीपजी पाटील साहेब आणी हेल्पिंग हॅन्ड चांदवड ग्रुप सर्व सदस्य व सर्व अदृश्य हात तसेच हेल्पिंग हॅन्ड ग्रुप चे मुख्य प्रतिनिधित्व करणारे युवा पत्रकार हर्षल गांगुर्डे यांचे तसेच भाटगाव शाळेचे मा. मुख्याध्यापक श्री.कृ.बा. लोखंडे सर, मा.पर्यवेक्षक श्री.आ.वि.सोनवणे सर व सर्व स्टाफ यांचे तर्फे सर्वांचे शतशः धन्यवाद मानण्यात आले.
