मालेगाव येथील जेष्ठ पत्रकार, दैनिक दिव्यमराठीचे मालेगाव कार्यालय प्रमुख श्री शंकर वाघ यांच्यावर काल दुपारी 1 वाजेच्या सुमारास सटाणा रोड वरील दोन गटातील वादाचे वृत्तांकन करायला गेले हल्लेखोरांनी श्री वाघ यांना वार्तांकन करण्यापासून रोखत मोबाईल हिसकावून घेत मारहाण केली याबाबत मालेगाव येथे 15 ते 20 जणांच्या विरोधात मालेगाव येथे पत्रकार संरक्षण कायद्या अंतर्गत गुन्हा दाखल करून आरोपींना कठोर शासन व्हावे यासाठी मनमाड शहर मराठी पत्रकार संघ व नांदगाव तालुका मराठी पत्रकार संघाच्या वतीने या हल्ल्याचा जाहीर निषेध करण्यात आला. लोकशाहीच्या चौथ्या स्तंभावर अशा प्रकारे हल्ला करणे हा लोकशाहीची गळचेपी करण्याचा प्रकार आहे. आरोपींवर पत्रकार संरक्षण कायद्याअंतर्गत कडक कायदेशीर कारवाई करण्यात यावी अशा आशयाचे निवेदन मा. मंडल अधिकारी तसेच मा. पोलिस निरीक्षक, मनमाड शहर पोलीस ठाणे यांना देण्यात आले. याप्रसंगी ज्येष्ठ पत्रकार अशोक परदेशी, नरेश गुजराथी, नरहरी उंबरे, अमोल खरे,निलेश वाघ,अशोक बिदरी,सतीश शेकदार, योगेश म्हस्के,अफरोज अत्तार, निलेश व्यवहारे, हुसैनी टिनवाला,तुषार गोयल, आनंद बोथरा आदी उपस्थित होते.
