Breaking News

[post-marguee]

[ays_poll id=7]

मध्यावधी निवडणुकीसाठी सज्ज रहा – शरद पवारांचा राष्ट्रवादीच्या आमदारांना सूचक संदेश

Jul 4, 2022

राज्यात स्थापन झालेले मुख्यमंत्री एकनाथ शिंदे यांच्या नेतृत्वाखालील सरकार केव्हाही कोसळू शकते, असे भाकीत वर्तवित मध्यावधी निवडणुकांसाठी तयार राहा,असा संदेश राष्ट्रवादी काँग्रेसचे अध्यक्ष शरद पवार यांनी पक्षाच्या आमदारांच्या बैठकीत दिला आहे. राष्ट्रवादी काँग्रेसच्या आमदारांची बैठक रविवारी रात्री झाली. त्या वेळी शरद पवार यांनी राज्यातील सद्य:स्थिती, नवीन शिंदे -फडणवीस सरकार यावर भाष्य केले. तेव्हा त्यांनी मध्यावधी निवडणुका होतील असं म्हटलं आहे. शरद पवार यांनी दोन मुख्य कारणांमुळे शिंदे सरकार कोसळेल असा दावा व्यक्त केला आहे. यापैकी पहिल्या कारणाबद्दल बोलताना पवार यांनी शिंदे गटाच्या नाराजीबद्दल भाष्य केलं आहे. “मुख्यमंत्री एकनाथ शिंदे यांच्याबरोबर शिवसेना आमदारांचा मोठा गट गेला असला तरी त्यांच्यात सर्व आलबेल नाही. अंतर्गत नाराजी सुरू झाली आहे. मंत्रिमंडळ विस्तारानंतर शिंदे गटातील काही आमदारांना मंत्रिपद मिळेल; पण अनेकांना मंत्रिपदाची संधी मिळणार नाही. त्यामुळे मंत्रिमंडळ विस्तारानंतर शिंदे गटातील अंतर्गत नाराजी वाढेल. त्यातून एकनाथ शिंदे यांचे सरकार कधीही कोसळू शकते,” असे भाकीत शरद पवार यांनी वर्तवले आहे. तर दुसऱ्या कारणाबद्दल बोलताना पवार यांनी भाजपाच्या गटामध्येही देवेंद्र फडणवीस यांना मुख्यमंत्री पद न मिळता उपमुख्यमंत्रीपद मिळाल्याने नाराजी असल्याचं म्हटलं आहे. “भाजपचा मुख्यमंत्री न झाल्याने भाजपच्या आमदारांनाही शिंदे-फडणवीस सरकार हे आपले वाटत नाही. त्याचा परिणाम या सरकारच्या स्थैर्यावर होणार आहे,” असेही पवार यांनी विशद केले. “ही सर्व राजकीय परिस्थिती पाहता शिंदे सरकार कोसळल्यानंतर विधानसभेची निवडणूक होऊ शकते. त्यामुळे मध्यावधी निवडणुकीसाठी तयार राहा,” असा संदेश शरद पवार यांनी राष्ट्रवादीच्या आमदारांना दिला. दरम्यान, आज ४ जुलै २०२२ रोजी विधानसभेतील विरोधी पक्षनेतेपदी राष्ट्रवादी काँग्रेसचे नेते अजित पवार यांची निवड होण्याची शक्यता आहे.

अजून बातम्या वाचा..

केतकी चितळे हिच्यावर मनमाड शहर राष्ट्रवादी काँग्रेसची कडक कारवाई करण्याची मागणी

केतकी चितळे हिच्यावर मनमाड शहर राष्ट्रवादी काँग्रेसची कडक कारवाई करण्याची मागणी

राष्ट्रवादी काँग्रेस पक्षाचे संस्थापक अध्यक्ष शरदचंद्र पवार यांच्या बद्दल अभिनेत्री केतकी चितळे ने...

read more
भूमी क्रिकेट अकॅडमीचा चाळीसगाव क्रिकेट अकॅडमीवर विजय ; वेदांत कांदळकर सामनावीर तर सार्थक शिंदे सर्वोत्कृष्ठ गोलंदाज

भूमी क्रिकेट अकॅडमीचा चाळीसगाव क्रिकेट अकॅडमीवर विजय ; वेदांत कांदळकर सामनावीर तर सार्थक शिंदे सर्वोत्कृष्ठ गोलंदाज

शनिवार दि.१४ मे रोजी भूमी क्रिकेट अकॅडमी मनमाड विरुध्द चाळीसगाव क्रिकेट अकॅडमी या संघामध्ये...

read more
लोककवी वामनदादा कर्डक स्मृतिदिन निमित्त  साहित्यिक योगीराज बागूल यांचे ऑनलाइन जाहीर व्याख्यान

लोककवी वामनदादा कर्डक स्मृतिदिन निमित्त साहित्यिक योगीराज बागूल यांचे ऑनलाइन जाहीर व्याख्यान

भारतीय संविधानाला अभिप्रेत असलेली मानवी जीवन मूल्य लोकशाही समता स्वातंत्र्य बंधुता आणि आहे...

read more
खासदार शरदचंद्र पवार साहेब यांच्याविषयी निंदनीय वक्तव्य करणाऱ्यांविरुद्ध गुन्हा दाखल करा – माजी आमदार पंकज भुजबळ

खासदार शरदचंद्र पवार साहेब यांच्याविषयी निंदनीय वक्तव्य करणाऱ्यांविरुद्ध गुन्हा दाखल करा – माजी आमदार पंकज भुजबळ

माजी आमदार पंकज भुजबळ यांच्या नेतृत्वाखाली राष्ट्रवादीच्या शिष्टमंडळाकडून नाशिक पोलीस आयुक्तांची...

read more
केतकी चितळेने केली शरद पवार यांच्यावर टीका : मनसे अध्यक्ष राज ठाकरे यांनी केला निषेध

केतकी चितळेने केली शरद पवार यांच्यावर टीका : मनसे अध्यक्ष राज ठाकरे यांनी केला निषेध

टीव्ही अभिनेत्री केतकी चितळेने राष्ट्रवादी काँग्रेसचे अध्यक्ष शरद पवार यांच्यावर आक्षेपार्ह शब्दात...

read more
[hsas-shortcode group="" speed="10" direction="left" gap="50"]