Breaking News

[post-marguee]

[ays_poll id=7]

अल्पसंख्याक विद्यार्थ्यांना मिळणार ७.५० लाख रुपयांपर्यंत शैक्षणिक कर्ज

Jul 23, 2022

मुंबई, दि. २२ : नवे शैक्षणिक वर्ष २०२२-२३ आता सुरु होत असून राज्यातील मुस्लिम, ख्रिश्चन, बौद्ध, शीख, जैन, पारशी व ज्यू या अल्पसंख्याक समाजातील व्यावसायीक अभ्यासक्रमाचे शिक्षण घेणाऱ्या विद्यार्थ्यांना मौलाना आझाद अल्पसंख्याक आर्थिक विकास महामंडळाकडून ७ लाख ५० हजार रुपयांपर्यंत शैक्षणिक कर्जाची योजना सुरु आहे. या योजनेच्या लाभासाठी इच्छूक पात्र विद्यार्थ्यांनी अर्ज करावेत, असे आवाहन महामंडळाचे व्यवस्थापकीय संचालक डॉ. लालमिया शेख यांनी केले आहे.

अल्पसंख्याक समाजातील दहावी आणि बारावीनंतरच्या व्यावसायीक अभ्यासक्रमाचे शिक्षण घेणारे विद्यार्थी या योजनेसाठी पात्र आहेत. आयटीआय, पॉलिटेक्निक, इंजिनिअरींग, मेडीकल, नर्सिंग, फॅशन डिझायनींग, टुरीजम, पत्रकारीता, मास मिडीया, चित्रपट निर्मितीशी संबंधीत विविध व्यावसायीक अभ्यासक्रम, ॲनिमेशन, हॉटेल मॅनेजमेंट अशा विविध व्यावसायिक अभ्यासक्रमासाठी शैक्षणिक कर्ज उपलब्ध आहे, असे डॉ. शेख यांनी सांगितले.

केंद्र शासनाच्या डॉ. ए. पी. जे. अब्दुल कलाम शैक्षणिक कर्ज योजनेतून ७ लाख ५० हजार रुपयांपर्यंत शैक्षणिक कर्ज मिळू शकते. या योजनेच्या लाभासाठी विद्यार्थ्याचे वय १६ ते ३२ वर्ष असावे, तसेच कौटुंबिक वार्षिक उत्पन्न मर्यादा शहरी भागासाठी १ लाख २० हजार रुपयांपेक्षा कमी तर ग्रामीण भागासाठी ९८ हजार रुपयांपेक्षा कमी असावी. राज्य शासनामार्फत मौलाना आझाद शैक्षणिक कर्ज योजना राबविण्यात येत असून यामधून ५ लाख रुपयांपर्यंत कर्ज देण्यात येते. या योजनेच्या लाभासाठी विद्यार्थ्याचे वय १८ ते ३२ वर्ष असावे, तसेच कौटुंबिक वार्षिक उत्पन्न मर्यादा ८ लाख रुपयांपर्यंत असावी, अशा अटी आहेत. दोन्ही शैक्षणिक कर्ज योजनांसाठी व्याजदर फक्त ३ टक्के इतका आहे. विद्यार्थ्याने शिक्षण पूर्ण झाल्यानंतर सहा महिन्यापासून पुढील ५ वर्षात कर्जाची परतफेड करायची आहे, असे डॉ. शेख यांनी सांगितले.

योजनेच्या लाभासाठी malms.maharashtra.gov.in या लिंकवर अर्ज करावा. अधिक माहितीसाठी जिल्हास्तरावरील मौलाना आझाद अल्पसंख्याक आर्थिक विकास महामंडळाच्या कार्यालयात संपर्क साधावा. महामंडळाच्या https://mamfdc.maharashtra.gov.in या संकेतस्थळावर जिल्हास्तरीय कार्यालयांची तसेच योजनेची माहिती उपलब्ध असून या संकेतस्थळावरुन ऑनलाईन अर्जही करता येईल. राज्यस्तरावर महामंडळाच्या ओल्ड कस्टम हाऊस, फोर्ट, मुंबई येथील कार्यालयात संपर्क साधावा किंवा ०२२-२२६५७९८२ या क्रमांकावर संपर्क साधावा, असे आवाहन करण्यात आले आहे.

अजून बातम्या वाचा..

गुड शेफर्ड स्कूलमध्ये विद्यार्थ्यांच्या कला गुणांना वाव मिळावा यासाठी विविध प्रकाराच्या स्पर्धाचें आयोजन

गुड शेफर्ड स्कूलमध्ये विद्यार्थ्यांच्या कला गुणांना वाव मिळावा यासाठी विविध प्रकाराच्या स्पर्धाचें आयोजन

मनमाड:- गुड शेफर्ड इंग्लिश स्कूल मध्ये विद्यार्थ्यांच्या कला गुणांना वाव मिळावा याकरिता विविध...

read more
बघा व्हिडिओ – आ. सुहास  कांदे यांच्या माध्यमातून नांदगाव मतदार संघात झालेल्या विविध विकास कामांचे लोकार्पण

बघा व्हिडिओ – आ. सुहास कांदे यांच्या माध्यमातून नांदगाव मतदार संघात झालेल्या विविध विकास कामांचे लोकार्पण

नांदगाव सोमनाथ घोंगाणे नांदगाव तालुक्यातील कळमदरी येथे आमदार सुहास कांदे यांच्या माध्यमातून विविध...

read more
अंधेरी पूर्व विधानसभा पोटनिवडणुक जाहीर : ३ नोव्हेंबर ला मतदान – ठाकरे गट आणि शिंदे गटाची परीक्षा

अंधेरी पूर्व विधानसभा पोटनिवडणुक जाहीर : ३ नोव्हेंबर ला मतदान – ठाकरे गट आणि शिंदे गटाची परीक्षा

निवडणूक आयोगाकडून आज अंधेरी पूर्व विधानसभा मतदारसंघाच्या पोटनिवडणुकीचा कार्यक्रम जाहीर केला....

read more
सार्वजनिक ग्रंथालय बहुजनांची ज्ञान केंद्रे बनावीत : प्रतिभा शिंदे मुक्तीभूमी स्मारक व वाचनालयास दिली सदिच्छा भेट

सार्वजनिक ग्रंथालय बहुजनांची ज्ञान केंद्रे बनावीत : प्रतिभा शिंदे मुक्तीभूमी स्मारक व वाचनालयास दिली सदिच्छा भेट

येवला (प्रतिनिधी) महामानव डॉ बाबासाहेब आंबेडकर यांनी जगातील सर्व धर्मग्रंथा सोबत...

read more
ऑल इंडिया एससी एसटी रेल्वे एम्प्लाईज असोसिएशन ची बैठक येवला रेल्वे स्टेशन येथे संपन्न झाली.

ऑल इंडिया एससी एसटी रेल्वे एम्प्लाईज असोसिएशन ची बैठक येवला रेल्वे स्टेशन येथे संपन्न झाली.

यावेळी झोनल सचिव सतिश भाऊ केदारे यांच्या अध्यक्षतेखाली संपन्न झाली. यावेळी प्रमुख पाहुणे म्हणून...

read more
[hsas-shortcode group="" speed="10" direction="left" gap="50"]