नांदगाव विधानसभा मतदारसंघाचे आमदार सुहास कांदे यांच्या विद्यमाने आयोजित करण्यात आलेल्या मेळाव्याला संबोधित करताना आज महाराष्ट्राचे मुख्यमंत्री ना.एकनाथ शिंदे यांनी मनमाड व नांदगाव तालुक्यातील ग्रामीण भागातील पाणीप्रश्नाबाबत महत्वपूर्ण घोषणा केल्या. याप्रसंगी बोलतांना मुख्यमंत्री शिंदे म्हणाले की नगरविकास खात्याचा मंत्री असताना दिलेल्या ३१७ कोटी रुपयांच्या पाणीपुरवठा योजनेचे माननीय हिंदुहृदयसम्राट बाळासाहेब ठाकरे मनमाड – करंजवण पाणीपुरवठा योजना असे नामकरण करण्यात येणार आहे.
७८ खेडी पाणीपुरवठा योजनेसाठी २७२ कोटी रुपये मंजूर करण्यात आले असून या योजनेला धर्मवीर आनंद दिघे योजना असे नाव देण्याचे निश्चित करण्यात आल्याची घोषणा त्यांनी याप्रसंगी केली.
दहीवड २६ गाव योजनेला २२ कोटी रुपये मंजूर करण्यात आले असून ती देखील लवकरच कार्यान्वित करण्याचे आदेश मुख्यमंत्र्यांनी याप्रसंगी दिले.
शिवसृष्टीच्या उभारणीसाठी २ एकर जागा मंजूर करण्याचा निर्णय घेण्यात आला असून हा निर्णय याप्रसंगी जाहीर केला.
मनमाड नांदगाव नगरपरिषद हद्दीतील शाळा दुरुस्तीसाठी १० कोटींचा निधी देण्याचे निश्चित करण्यात आले आहे असेही याप्रसंगी त्यांनी नमूद केले.
याप्रसंगी नांदगाव विधानसभा मतदारसंघाचे आमदार सुहास कांदे, आमदार दादाजी भुसे, शिवसेना उपनेते आणि आमदार उदय सामंत, सर्व प्रमुख पदाधिकारी आणि कार्यकर्ते उपस्थित होते.
याप्रसंगी शिंदे साहेबांचे भगवी शाल व चांदीची गदा देऊन आमदार सुहास अण्णा कांदे व सौ अंजूमताई कांदे यांनी जाहीर सत्कार केला. मुख्यमंत्री एकनाथ शिंदे यांनी आमदार सुहास आण्णा कांदे यांचा सत्कार केला.
विविध पदाधिकारी व कार्यकर्त्यांनी याप्रसंगी पुष्पगुच्छ देऊन मुख्यमंत्र्यांचे स्वागत केले.
