Breaking News

[post-marguee]

[ays_poll id=7]

मनमाड शहर आणि नांदगाव तालुकामराठी पत्रकार संघाच्या संयुक्त विद्यमाने स्वातंत्र्य दिन साजरा

Aug 16, 2022

मनमाड ता १६ : स्वातंत्र्य लढ्यात आपल्या प्राणाची आहूती देऊन शहिद झालेले आणि १९४२ च्या लढ्यात आपल्या घरा-दारावर तुळशीपत्र ठेवून स्वातंत्र्याच्या लढ्यात आपल्या जीवाची तमा न बाळगता केवळ देशासाठी लढलेल्या स्वातंत्र्यसैनिकांच्या कार्याचे स्मरण ठेवून त्यांच्या पाल्यांचा गौरव तथा कृतज्ञता सन्मान सोहळा आणि देशभक्तीपर समुह गीतगायन स्पर्धा संपन्न झाली. वंदे मातरम् आणि भारतमाता की जयच्या घोषणांनी परिसर दणाणून गेला .

मनमाड शहर आणि नांदगाव तालुकामराठी पत्रकार संघाच्या संयुक्त विद्यमाने स्वातंत्र्यदिनी येथील लोकमान्य सभागृहात स्वातंत्र्यलढ्यांतील स्वातंत्र्यसैनिकांच्या परिवारातील सदस्यांचा कृतज्ञता सन्मान सोहळा आणि शहर पातळीवरील शाळा- विद्यालयांसाठी देशभक्तीपर समुह गायन स्पर्धा असा आगळा वेगळा उपक्रम उत्साहात संपन्न झाला . समूह गायन स्पर्धेत शहरातील १३ शाळा – महाविद्यालयाचे संघ सहभागी झाले होते. साहित्य अकादमी पुरस्कार विजेते संजय वाघ, पत्रकार संघ तालुका समन्वयक अमोल खरे, कार्यक्रमाचे अध्यक्ष सुरेश शेळके, ज्येष्ठ पत्रकार नरेश गुजराथी, सोमनाथ घोंगाणे , संजय मोरे , नरहरी उंबरे, जगन पाटील आदी उपस्थित होते . समन्वयक अमोल खरे यांनी प्रास्ताविकात मराठी पत्रकार संघाच्या विविध उपक्रमांचा आढावा घेतला . साहित्य अकादमी पुरस्कारार्थी संजय वाघ यांनी साहित्यासह मनमाड पत्रकार संघाने राबवलेल्या या स्तुत्य उपक्रमाचे स्वागत करून पत्रकार संघाने यासारखे विधायक उपक्रम अव्याहत सुरू ठेवावे अशी अपेक्षा व्यक्त केली . स्वातंत्र्यसैनिकांच्या कुटुंबियांतर्फे राजेंद्र पारीक , विजय नाईक , कांतीलाल येणारे यांनी मनोगत व्यक्त करतांना स्वातंत्र्याच्या अमृत महोत्सवी वर्षात शासन आणि प्रशासनाने स्वातंत्र्यसैनिकांच्या कार्याकडे दुर्लक्ष केले मात्र लोकशाहीचा चौथास्तंभ असलेल्या पत्रकार संघाने त्यांची जाणिव ठेवली आणि स्वातंत्र्यसैनिकांच्या पाल्यांचा कृतज्ञता सन्मान केला . याबद्दल आभार मानले . यावेळी आंतरराष्ट्रीय जिम्नॅस्टिक खेळाडू सैफ तांबोळी , आंतरराष्ट्रीय वेटलिफ्टिंग खेळाडू आकांक्षा व्यवहारे , आंतरराष्ट्रीय कुस्ती खेळाडू शुभम आचपळे , राज्यस्तरीय चैंपलिंग खेळाडू हर्षाली मिस्कर , वेटलिफ्टिंग प्रशिक्षक प्रवीण व्यवहारे , तृप्ती पाराशर यांचा सन्मान करण्यात आला. सूत्रसंचालन उपाली परदेशी, आनंद बोथरा यांनी केले . अशोक बिदरी यांनी आभार मानले . समुह देशभक्तीपर गीत गायन स्पर्धेचे परिक्षण विनोद आहिरे, सुरेंद्र भुजंग, आम्रपाली पाटील यांनी केले पत्रकार सतिश शेकदार , निलेश वाघ , अनिल आव्हाड , तुषार गोयल , संदीप जेजूरकर , प्रमित आहेर , योगेश म्हस्के , निलेश व्यवहारे , बाबासाहेब बोरसे , रामदास सोनवणे , गणेश केदारे , राजू लहिरे , योगेश देशपांडे , रूपाली आहिरे आदींनी संयोजन केले .

कै. रामेश्वर पारीक , कै. कृष्णाजी नाईक , कै. रामचंद्र हरकल , कै. चिमणराव धात्रक , कै. गणपतराव येणारे , कै. भागुजी गवळी , कै. यादवराव रसाळ , कै. फुलचंद बोगावत , कै. रंगनाथ कासार , कै. विठ्ठलराव नाईक, कै. बाबुराव देवळे , कै. तुकाराम शिंदे , कै. त्रिभुवनदास पालिवाल , कै. रोडूजी गवळी , कै. गोपाळराव देवळे स्वातंत्र्यसैनिकांच्या कुटुंबीयांचा कृतज्ञता सन्मान करण्यात आला .

अजून बातम्या वाचा..

जीवनावश्यक वस्तूंवर लादलेली ५% जीएसटी कमी करावी : मनमाड किराणा आणि धान्य व्यापारी असोसिएशन ची मागणी

जीवनावश्यक वस्तूंवर लादलेली ५% जीएसटी कमी करावी : मनमाड किराणा आणि धान्य व्यापारी असोसिएशन ची मागणी

जीवनावश्यक वस्तूंवर 5 टक्के GST लावण्याचा केंद्र सरकारचा निर्णय रद्द करण्यासाठी मनमाड किराणा आणि...

read more
संकष्ट चतुर्थी निमित्त शनिवार दि. १६ जुलै रोजी वेशीतील श्री निलमणी गणेश मंदिरात धार्मिक कार्यक्रम

संकष्ट चतुर्थी निमित्त शनिवार दि. १६ जुलै रोजी वेशीतील श्री निलमणी गणेश मंदिरात धार्मिक कार्यक्रम

मनमाड शहराचे आराध्य दैवत आणि नवसाला पावणारा गणपती म्हणून पंचक्रोशीत प्रसिद्ध असणाऱ्या वेशीतील श्री...

read more
मनमाड सार्वजनिक वाचनालया तर्फे अण्णाभाऊ साठे व लोकमान्य टिळक यांच्या स्मृति दिना निमित्ताने आंतरशालेय निबंध, कथाकथन व वक्तृत्व स्पर्धेचे आयोजन

मनमाड सार्वजनिक वाचनालया तर्फे अण्णाभाऊ साठे व लोकमान्य टिळक यांच्या स्मृति दिना निमित्ताने आंतरशालेय निबंध, कथाकथन व वक्तृत्व स्पर्धेचे आयोजन

मनमाड - मनमाड सार्वजनिक वाचनालयाच्या वतीने स्व.अण्णाभाऊ साठे व लोकमान्य टिळक यांच्या...

read more
मनमाड महाविद्यालयात डॉ स्मिताताई प्रशांत हिरे यांच्या वाढदिवसानिमित्त हिमोग्लोबिन व थायरॉईड तपासणी शिबिर संपन्न

मनमाड महाविद्यालयात डॉ स्मिताताई प्रशांत हिरे यांच्या वाढदिवसानिमित्त हिमोग्लोबिन व थायरॉईड तपासणी शिबिर संपन्न

मनमाड: महात्मा गांधी विद्यामंदिर संचलित कला विज्ञान व वाणिज्य महाविद्यालय मनमाड येथे आज दिनांक 14...

read more
[hsas-shortcode group="" speed="10" direction="left" gap="50"]