नांदगाव (सोमनाथ घोंगाणे) :नांदगाव शहरात अस्वच्छता मोठया प्रमाणावर वाढली असून शहरात डेंगू व मलेरिया सद्श्य आजाराचे रूग्ण वाढले असल्याने नगरपरिषदेने त्वरीत डास निर्मूलन मोहीम राबविण्याची मागणी नागरिकांनी मुख्याधिकारी डॉ. विवेक धांडे यांना निवेदन देऊन केली आहे.
शहरात स्वच्छता होत नसल्याने घाणीचे साग्राज्य मोठया प्रमाणावर झाले असून शहरात डेंग्यू व मलेरिया चे रूग्ण खुप वाढले आहे. तसेच शहरात मोकाट जनावरे खुपच वाढली असून एका मोकाट वळूने लीलाबाई जगताप (वय ७२) या वृद्वेवर हल्ला केल्याने सदर महिलेचे पायाचे हाड मोडले आहे.
शहरातील भोलेनगर,चांडक प्लाट, अब्दुल करीमशेट चाळ, या भागातील विद्यार्थी, रहिवाशी ‘यांना शहरात येण्यासाठी गेल्या दोन महिन्यापासुन रस्ताच नसल्याने रेल्वे रुळावरून ये जा करावी लागत आहे.
या समस्ये संदर्भात शहरातील डॉ. गणेश चव्हाण यांच्या नेतृत्वाखााली नागरिकांनी मुख्याधिकारी डॉ. विवेक धांडे यांना निवेदन दिले.
सदर निवेदनावर डॉ. गणेश चव्हाण,अशोक पाटील,कृष्णा खांडेकर,सुपडू जगताप,संतोष निकम, विकास चव्हाण, डिंगबर महाले,विनोद महाले,दिपक महाले,कैलास थोरात,रवींद्र सोनवणे,सुभाष आयनोर, गणेश बोगीर,शुभम भावसार,आशुतोष कमुणकर,देवानंद धामणे,पिंटू दिक्षीत यांच्या सह्या आहे.
तिसऱ्या रेल्वे लाईन कामामुळे वाहतुकीचा प्रश्न ठाकला उभा : ना.भारती पवारांनी घेतली तात्काळ दखल – कायमस्वरूपी रस्ता बनवून देण्याचे दिले आदेश
न्यायडोंगरी (प्रतिनिधी) न्यायडोंगरीच्या अगदी मध्यभागातून जाणारी मध्य रेल्वेची भुसावळ मुंबई भुसावळ...
