नांदगाव: तालुक्यात भव्य दिव्य शिवसृष्टी उभारण्यासाठी ची नियोजित जागा जुनी पंचायत समिती नांदगाव येथील इमारतीची जवळपास 1 हेक्टर जागा आ. कांदे यांच्या सततच्या पाठपुराव्यानंतर सार्वजनिक बांधकाम विभाग नांदगाव कडे हस्तांतरित झाल्याचे आदेश प्राप्त झाले आहे.
महाराष्ट्राचे आराध्य दैवत छत्रपती शिवाजी महाराजांचे भव्यदिव्य स्मारक म्हणजेच शिवसृष्टी उभारण्याचे वचन नांदगावकर जनतेस आ. कांदे यांनी दिले होते आणि त्या क्षणापासून आवश्यक असलेल्या जागेचा शोध येणाऱ्या अडचणी दूर करण्याच्या हेतूने निरंतर प्रयत्न करत होते. आमदारांच्या सततच्या पाठपुराव्यानंतर अखेर जुनी पंचायत समितीची जागा शिवसृष्टी उभारण्यासाठी सार्वजनिक बांधकाम विभाग नांदगाव कडे वर्ग करण्यात आली असून तसा सातबारा देखील तयार झाला आहे.
शिवसृष्टी उभारण्यासाठी जागेचा मोठा प्रश्न यामुळे सुटलेला असून लवकरच भव्य शिवसृष्टी उभारली जाणार असल्याने नागरिकांमध्ये आनंदाचे वातावरण आहे.
आनंद धर्मार्थ दवाखाना आयोजित आरोग्य तपासणी शिबिरास उदंड प्रतिसाद
आनंद धर्मार्थ दवाखाना व स्व.डॉ.सी.एच.बागरेचा प्रेरित कायमस्वरूपी नेत्र चिकित्सा शिबिर व एसएमबीटी...
