मनमाड शहरातील नागरिकांच्या मरणयातना ह्या मृत्यूपश्चात ही संपता संपत नसून शहरातील अमरधाम मधील ओटयांची अत्यंत दुरवस्था झालेली असून हुडको परिसरातील राजे प्रतिष्ठान च्या सदस्यांनी तसेच शिवसेनेचे मनमाड शहर उपप्रमुख परेश छोटू भाऊ राऊत यांनी नगर पालिकेचे मुख्याधिकारी सचिन पटेल यांच्याकडे त्वरित ह्या ओट्यांची दुरुस्ती करावी अशी आग्रही मागणी केली आहे.
स्मशानभूमी मध्ये एक ही ओटा सद्य परिस्थितीत सुस्थीतीत नसून त्यावर बसवलेले अँगल ही पूर्णपणे मोडकळीस आले आहे. त्याच प्रमाणे पावसाळ्याच्या दिवसात पाण्यामुळे स्मशानभूमीतील लाकडे ओले होतात तेथे सुद्धा पत्र्याचे शेड उभारण्याची मागणी राऊत यांनी केली आहे.
येत्या ४/५ दिवसात नगर पालिका प्रशासनाने ओट्यांचे काम सुरू न केल्यास आंदोलनाची हाक ही राऊत यांनी दिली आहे.
