मनमाड : मनमाड शहर मराठी पत्रकार संघाच्या वतीने गणेशोत्सवानिमीत्त आयोजित करण्यात आलेल्या पर्यावरणपुरक घरगुती देखावा स्पर्धेस मनमाडकरांनी मोठा प्रतिसाद दिला असून या स्पर्धेचा निकाल जाहीर करण्यात आला आहे. यानिमित्त घरोघरी गणेशाच्या सजावटीत मुलांवर पर्यावरण वाचविण्यासंबंधी संस्कार व्हावेत यासाठी सामाजिक बांधीलकी जपत या आरास स्पर्धेचे आयोजन करण्यात आले होते
मराठी पत्रकार परिषद संलग्नीत नांदगाव तालुका मराठी पत्रकार संघ व मराठी पत्रकार संघाच्या वतीने सामाजिक बांधिलकी जोपासणाऱ्या उपक्रमांचे आयोजन करण्यात येत आहे. स्वातंत्र्याच्या अमृत महोत्सवानिमीत्त स्वातंत्र्यसैनिकांच्या कुटुंबियांचा सन्मान सोहळा संघातर्फे आयोजित करण्यात आला होता. आता गणेशोत्सवानिमीत्त मुलांवर पर्यावरण रक्षणाचे संस्कार व्हावे घरोघरी गणेशाच्या सजावटीत मुलांवर पर्यावरण वाचविण्यासंबंधी संस्कार व्हावेत यासाठी सामाजिक बांधीलकी जपत या पर्यावरणपुरक घरगुती देखावा स्पर्धा आयोजित करण्यात आली होती. या स्पर्धेस मनमाडकर नागरिकांनी मोठा प्रतिसाद दिला. नागरिकांनी कल्पकतेने तयार केलेल्या आणि पर्यावरण रक्षणाचा संदेश देणाऱ्या देखाव्यांचे फोटो या स्पर्धेसाठी पाठविले होते. या स्पर्धेत प्रथम क्रमांक अमोल परदेशी व मयंक पाटील यांना विभागून तर द्वितीय क्रमांक निलेश जाधव यांना तर तृतीय क्रमांक तनिष्का पटेल यांना जाहिर झाला आहे. उत्तेजनार्थ पारितोषिक वैशाली रसाळ व जान्हवी महाले यांना जाहिर झाले आहे. या स्पर्धेसाठी मिलिंद वाघ, डी. आर. जाधव, आर. एम. ठाकरे आणि आर. डी. पाटील या कलाशिक्षकांनी परिक्षणाचे काम केले. या स्पर्धेचा निकाल जाहीर करण्यात आला असून सर्व सहभागी स्पर्धकांना प्रमाणपत्र देण्यात आले. तर विजयी स्पर्धकांच्या घरी जावून पारितोषीक वितरण केल्याची माहिती तालुका समन्वयक अमोल खरे यांनी दिली आहे. पत्रकार संघातर्फे संयोजन समितीचे अशोक बिदरी, उपाली परदेशी, योगेश म्हस्के, निलेश व्यवहारे, गणेश केदारे यांनी या स्पर्धेचे संयोजन केले. तर जेष्ठ पत्रकार नरेश गुजराथी, जेष्ठ पत्रकार अशोक परदेशी, सतिष शेकदार, नरहरी उंबरे, संदीप देशपांडे, अजय सोनवणे, निलेश वाघ, तुषार गोयल, नाना आहिरे, सौ स्वाती गुजराथी, सौ दीपाली खरे, सौ नैवेद्या बिदरी, रुपाली केदारे, अफरोज अत्तार, सॅमसंन आव्हाड, आंनद बोथरा यांनी आयोजन केले.
