मनमाड शहर अमरधाम मधील ओट्यांच्या दुर्दशेसंदर्भात तसेच तेथील प्रश्नांसंदर्भात मागील आठवड्यात शिवसेना उपशहर प्रमुख परेश (छोटू) राऊत यांनी नगरपालिकेचे मुख्याधिकारी सचिन पटेल यांना निदर्शनास आणून दिली होती. त्या पार्श्वभूमीवर आमदार सुहास अण्णा कांदे यांच्या सूचनेनुसार आज मनमाड शहर शिवसेना कोअर कमिटी सदस्यांनी शहरातील स्मशान भुमीला भेट देऊन तेथील विविध समस्या जाणुन घेतल्या. स्मशान भूमीचे पुर्णपणे तुटलेले ओटे, लोखंडी जाळ्या तुटलेल्या अवस्थेत आहे तसेच तेथील संरक्षण भिंत पडलेली आहे. लाईटची व्यवस्था नसून, अर्धवट पेवर ब्लॉक बसवलेले आहेत या सर्व समस्या संदर्भात शिवसेना मनमाड कोअर कमिटी सदस्यांनी आमदार सुहास आण्णा कांदे यांना अवगत केले.चीफ ऑफिसरला बोलुन घेऊन आमदार कांदे यांनी लागलीच मुख्याधिकारी पटेल यांना दोन दिवसात हे काम चालु करण्याबाबत आदेश दिले.
या वेळी कोअर कमिटी सदस्य राजाभाऊ भाबड, सुनिल हांडगे, वाल्मीक आप्पा आंधळे, लाला नागरे, सुभाष माळवतकर, योगेश इमले, अजीज शेख, विकास वाघ, ललित रसाळ, आसिफ शेख, मुकुंद झाल्टे, जाफर मिर्झा, लोकेश साबळे, महेन्द्र गरूड, अजिंक्य साळी, सिद्धार्थ छाजेड, सचिन दरगुडे, कुणाल विसापूरकर, नंदु पिठे उपस्थित होते.
