नांदगाव सोमनाथ घोंगाणे
मालेगाव येथून नांदगाव येथे येण्यासाठी सांयकाळी ७ वाजेनंतर एकही बस नसल्याने नांदगाव व्यापारी संघटनेने आंदोलनाचा इशारा दिला आहे
याबाबत वृत असे की नांदगाव शहराचे अर्थिक दळणवळण मालेगाव शहराशी निगडीत आहे. विविध आजारा वरील दवाखाने मालेगाव येथे आहे तसेच किराणा मालाची मोठी बाजारपेठ सोयगाव व टेहरे येथे आहे. नांदगाव शहरातून मोठा व्यापारी वर्ग मालेगाव शहराशी निगडीत असून रोज या ठिकाणी बरेचशे व्यापारी विविध सामान खरेदी करण्यासाठी ये जा करीत असतात . तसेच विविध आजारा वरील पेशंट या ठिकाणी नियमीत तपासणी साठी ये – जा करीत असतात . असे असताना सांयकाळी ७ वाजेनंतर एकही बस मालेगाव येथून नांदगावला येण्यासाठी नाही.या अगोदर सदर बससेवा सुरु होती. पंरतू कोवीड च्या आपद्ग्रस्त स्थितीत सदर बससेवा बंद झाली होती . त्यामुळे प्रवाशी वर्गाचे मोठया प्रमाणावर हाल होत आहे. बरेचशा प्रवाशाना रात्री ७ वाजेनंतर मनमाड मार्गे नांदगाव येथे यावे लागते तरी नांदगाव आगाराने प्रवाशांच्या भावनाचा विचार करून त्वरीत सायंकाळी ७ वाजे नंतर ८ व ९ वाजता मालेगाव हून नांदगावला येण्यासाठी बस सुरू करावी अन्यथा रस्ता रोको सारखे मोठे जनआंदोलन उभारणार असल्याचे निवेदन नांदगाव शहर व्यापारी संघटनेने नांदगाव आगार प्रमुखांना दिले. निवेदनावर प्रकाश कंळत्री,विजय चोपडा यांची स्वाक्षरी आहे .
